Ribadeo, 25 de abril, 2025. Hoxe é 25 de abril data na que se cumpre o prazo de 18 meses para o remate das obras do Hospital Asilo.
O BNG asegura que: “Hoxe deberíase estar recibindo esta obra por parte do Concello. Pero as obras non están rematadas, nin de lonxe, como podemos comprobar e como todo Ribadeo sabe”.
“A día de hoxe, segundo figura na última certificación de obra emitida polo concello, que é deste mes de abril, falta aínda por executar un volume de obra de case 500.000 €, case un 30% do total”.
“Trátase dunha obra que xa arrancou tarde, cinco meses despois de deixala adxudicada cando o BNG estaba gobernando no Concello. Porque hai que recordar que nós, en maio do 2.023, deixamos garantida a financiación para esta obra, aprobado o proxecto e realizamos a licitación.”
“Por qué tardou o Concello e inciar as obras? Por qué promoveu que a obra fose a ao ritmo tan lento?”, preguntan os/as nacionalistas
“E a día de hoxe tampouco se sabe nada da financiación do seu equipamento nin da súa futura xestión; e son cuestións que tiñan que estar xa resoltas”.
“Esto é así pola incapacidade e a irresponsabilidade do goberno municipal, co seu alcalde á cabeza que parece máis ocupado noutros asuntos que en resolver as preocupacións dos veciños e veciñas de Ribadeo”, apuntan.
“Desde hoxe, cada día que pase, os ribadenses xa saben que non podemos contar coas prazas que necesitamos para atención dos nosos maiores, e desta situación é responsable exclusivamente Daniel Vega e quen o acompaña no goberno local”.
“Non se pode permanecer pasivo ante esta irresponsabilidade e ante esta nefasta xestión. Por iso, desde o grupo municipal do BNG de Ribadeo esixímoslle ao goberno municipal que se tome en serio estas obras do Hospital Asilo e que garantice que se van rematar de forma urxente para poder atender a tantas familias ribadenses que precisan este servizo”, conclúen.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
