Ribadeo, 25 de abril de 2025. O Club de Remo de Ribadeo contará cunha nova furgoneta grazas á colaboración de Concello e Deputación de Lugo.
O alcalde, Dani Vega, explicou: “seguimos investindo no deporte de Ribadeo, seguimos traballando conxuntamente con todas as entidades, e neste caso co Club de Remo de Ribadeo. En primeiro lugar, o meu agradecemento a un club que está facendo tan grande Ribadeo, ao conxunto de deportistas que estades conseguindo moitísimo. Polo tanto, o meu agradecemento a ese traballo constante, a esa disciplina, a ese sacrificio persoal, porque estades, evidentemente, onde vos gusta. Pero, hai que agradecer todo un traballo desinteresado pola directiva, porque está conseguindo moitos logros, tamén a todos e todas as deportistas que estades conseguindo, desde un punto de vista de mérito persoal, grandes logros, pero evidentemente deixar a Ribadeo sempre no mais alto”.
O rexedor dixo: “conseguístedes moito no aspecto deportivo, pero tamén en unir dúas administracións: Concello e Deputación, Deputación e Concello, que van colaborar para conseguir unha furgoneta. Eu quero agradecer a Dani García, deputado con responsabilidades no goberno da Deputación, e é fácil evidentemente entenderse con Dani García, pero hai que poñer en valor estas cousas e a Deputación neste caso fixo un gran traballo de colaboración coa entidade que tiña unha necesidade, que era unha furgoneta, e entre as dúas administracións fixemos posible solucionar o problema”.
Vega declarou: “convido a todas as administracións a seguir no mesmo camiño, o entendemento, a colaboración, porque o único que pretende o Concello é xestionar orzamento para que Ribadeo siga avanzando, e xestionar orzamento, evidentemente, para todas as entidades e tamén para as entidades deportivas”.
Para o alcalde ribadense “este é outro gran logro que consigue o remo de Ribadeo, que foi unir dúas administracións, xuntarse, entenderse e buscar solución a un problema que tiña esta entidade. Polo tanto, o meu agradecemento tanto a Dani García, á Deputación e tamén ao Club de Remo por todo ese traballo que fan e que é tan importante desde un punto de vista deportivo, pero tamén de valores e evidentemente de deixar a Ribadeo sempre no máis alto”.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
