Mondoñedo, 29 de abril de 2025. A Xunta de Galicia colabora co Concello de Mondoñedo e a Asociación As San Lucas na organización da feira das Quendas, que se celebrará na localidade os días 30 de abril e 1 e 2 de maio. O delegado territorial de Lugo, Javier Arias, asistiu hoxe á presentación da programación.
O pregón terá lugar no auditorio municipal Pascual Veiga o mércores 30 ás 21,00 horas e correrá a cargo de Xulia Nogueira, directora do coro Mestre Pacheco e mestra da Escola Municipal de Música de Mondoñedo. A continuación haberá verbena coas orquestras Charleston Big Band e Cayenna.
O día 1 celebrarase a Feira do gando e a XLI Festa da Empanada, cun mercado de produtos do campo ou un obradoiro de amasado de empanadas e pan, entre outras actividades. O venres 2 completa o cartel o monólogo “A penúltima”, do actor Carlos Blanco, tamén no auditorio.
Por outra banda, xa están escollidas as Quendeiras. Tres rapazas do colexio público Alvaro Cunqueiro Mora: Nora Redondas Lema, Carmen López Exposito e Paula Fernández Candia.
Colaboración da Vicepresidencia da Deputación
A área de Rural da Vicepresidencia da Deputación de Lugo colabora un ano máis coas Feiras e Festas das Quendas.
A área dirixida por Daniel García colabora coa Asociación As San Lucas, organizadora da feira, nas actividades ligadas á gandeiría, como a Gran Feira Tradicional de Gando Cabalar e Razas Autóctonas na que participan gandeirías da comarca e doutros puntos de Galiza.
O recinto tamén acollerá unha exposición de razas autóctonas, con exemplares de porco celta, ovella e cabra galega e cabalos de Pura Raza Galega. Ademais, durante a xornada celebrarse un certame morfolóxico de cabalos de Pura Raza Galega.
Daniel García felicitou á organización por “seguir impulsando unha feira que pon en valor a tradición gandeira do concello e da Mariña interior e o traballo dos criadores e criadoras de gando cabalar, fundamental na conservación do territorio” e valorou tamén “o protagonismo das razas autóctonas e dos certames de Pura Raza Galega, que espertan un gran interese en todos os lugares en que se veñen celebrando da man de Puraga, e das degustacións e demostracións culinarias que promocionan os produtos de razas autóctonas para fomentar o seu consumo”
Os produtos de razas autóctonas tamén estarán presentes na xornada grande, con demostracións de cociña coas asociacións Puraga e Boaga, que amosarán as posibilidades culinarias dos productos de razas autóctonas. Co obxectivo de promocionar o consumo destes produtos, o programa Un gusto de rural, un rural degusto da área de Rural tamén estará presente nas Quendas, con degustacións gratuítas de tapas con carne de poldro de Pura Raza Galega e Porco Celta nos bares de Mondoñedo os días 2, 3 e 4 de maio.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
