O popular afeou aos socialistas que “non consideren prioritario arranxar a N-634 sendo a alternativa á A-8 entre Abadín e Mondoñedo” e que “se contradín” con respecto á votación no Parlamento de Galicia onde a proposta fora aprobada por unanimidade – co voto a favor do PSOE- en xuño do 2021
Madrid, 7 de abril de 2025. O Senado insta ao Goberno -a través dunha iniciativa do Partido Popular que defendeu José Manuel Balseiro- a acometer unha intervención de mellora integral da N-634, de forma especialmente urxente no tramo que une o Alto da Xesta e Mondoñedo por tratarse dunha vía que é empregada como itinerario alternativo polos usuarios cando a A-8 se pecha á circulación como consecuencia dos intensos bancos de néboa que, en ocasións, impiden a circulación normal.
A iniciativa do Grupo Popular saíu adiante na Comisión de Transportes y Movilidad Sostenible á que non asistiu o BNG e a pesar da abstención do PSOE. Balseiro convidou aos socialistas a “centrarse na seguridade das persoas” afeando que “os socialistas non consideren prioritario arranxar a N-634 sendo a alternativa á A-8 entre Abadín e Mondoñedo”. Así mesmo, advirte que “o PSOE se contradí con respecto á votación no Parlamento de Galicia onde esta proposta foi aprobada por unanimidade en xuño do 2021”.
O senador do PP lucense incidiu en que “é urxente e pertinente que o Goberno de Sánchez promova unha mellora nesta vía que se atopa desde fai anos nun estado moi deficiente, co pavimento deteriorado e cunha sinalización e alumeado que precisan ser mellorados”.
Coa chegada do verán, advirte que “o tránsito por esta vía increméntase porque aos veciños, transportistas e traballadores que fan un uso habitual desta estrada durante todo o ano, súmanse aqueles que se dirixen á costa”, engadiu. Nese sentido, engadiu que “sería recomendable acometer actuacións neste momento para que no verán estivese en boas condicións”. Ademais, puntualizou que “tamén precisa traballos de mantemento”.
Balseiro convidou ao Executivo a recuperar o proxecto de intervención que fora redactada no ano 2017 co Partido Popular no Goberno de España -e que así consta nunha resposta oficial do Goberno de decembro do 2017 a unha pregunta do BNG- e que “Sánchez meteu nun caixón”, ignorando as demandas trasladadas desde distintas institucións, incluso, con votos unánimes de PP, PSOE e BNG.
A intervención prevista e que os populares reivindican de novo consiste na substitución da capa de rodadura, a mellora da sinalización, balizamento, defensas e interseccións, ademais do peche de tramos para evitar a entrada da animais á calzada.
“ABANDONO” XENERALIZADO NAS ESTRADAS DA REDE ESTATAL
O senador popular lembrou durante o debate que “o deterioro do pavimento é xeneralizado e afecta a moitos puntos da rede viaria estatal” na provincia. De feito, “sucédense denuncias de norte a sur”: a N-540 que une Lugo e Ourense, as autovías A-6 e A-8 ou a N-642 tamén na Mariña.
Balseiro incidiu no mal estado das vías da provincia de titularidade do Estado ou, incluso, da Deputación de Lugo en resposta ao senador socialista e asegurou que “as estradas da Xunta de Galicia son as que mellor están na provincia”. E concluíu recomendando a César Mogo: “Máis provincia, máis veciños e menos Sánchez”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
