Sete colectivos de Meira, Cospeito, Vilalba, Castro de Rei, O Corgo, Becerreá e A Pastoriza participarán ata este venres no programa gratuíto que impulsa a institución provincial e que beneficiará a máis de 3.000 persoas esta quinta tempada
Lugo, 8 de abril de 2025. A Deputada de Réxime Interior, Promoción do Territorio e Turismo, Pilar García Porto, recibiu este martes no Salón de Actos do Pazo de San Marcos á Asociación Cultural Airiños do Miño, de Meira, no marco do programa Coñece a túa provincia, a iniciativa de viaxes gratuítas posta en marcha pola institución provincial co obxectivo de dinamizar o turismo e a economía local. Esta semana participarán neste programa máis de 160 veciños e veciñas de Meira, Cospeito, Vilalba, Castro de Rei, O Corgo, Becerreá e a Pastoriza.
O mércores a Asociación Veciñal, Recreativa e Cultural de San Martiño de Pino (Cospeito) partirán a ruta desde a produtora do Servizo de Audiovisuais da Deputación para despois coñecer, na Ribeira Sacra, o miradoiro sobre o Canón do Sil, realizar o percorrido en catamarán e visitar unha igrexa románica. Nesta mesma xornada, os integrantes do Instituto de Estudios Chairegos Pena do Encanto (Vilalba) coñecerán o Pazo de San Marcos e visitarán en Ribas de Sil a abadía de San Clodio e en Quiroga o Xeomiradoiro de Campodola, entre outros lugares.
O xoves viaxarán ata A Mariña a Asociación de Mulleres Rurais A Xuntanza (Castro de Rei) e a Asociación de Veciños, Cultural e Deportiva Os Cinco Ríos (O Corgo). Os primeiros partirán do Centro de Interpretación Terras do Miño e despois visitarán o Museo Histórico de Sargadelos e o Paseo dos Namorados. Os segundos comezarán a ruta na Granxa Gayoso Castro da Deputación e logo achegaranse ata os fornos da Pontenova, a área recreativa de Boulloso e o miradoiro ornitolóxico de Ría de Abres en Trabada.
O venres rematarán as visitas da semana coa Asociación, Veciñal, Cultural, Deportiva os Grobos (Becerreá) e a Asociación de Veciños de Vian (A Pastoriza). Os veciños e veciñas de Becerreá escolleron unha ruta que partirá do Mazo de Santa Comba e na que despois descubrirán o convento do Divino Salvador de Ferreira de Pantón e a igrexa de San Miguel de Eiré. Ademais, tamén visitarán o núcleo dos Peares a unha adega da zona. Por outra banda, os integrantes da entidade pastoricense visitarán o Centro de Interpretación Terras do Miño, a aldea do Cebreiro e a localidade de Triacastela.
A quinta tempada do programa Coñece a túa provincia arrancou a pasada semana coa participación de case cen persoas de catro colectivos e desenvolverase en dúas quendas: a primeira delas será ata finais de xuño e a segunda retomarase do mes de setembro a outubro. En total, beneficiaranse máis de 3.000 persoas de entidades sen ánimo de lucro que teñen a súa sede nalgún dos 67 concellos da provincia.
Esta iniciativa tamén inclúe de balde, o transporte para os traslados de ida e volta dende o lugar ou lugares de orixe, póliza de seguros de viaxeiros, menú de xantar, e entradas e visitas a diferentes lugares de interese da provincia de Lugo. Ademais, estas visitas realízanas profesionais que contan coa habilitación de guía oficial de turismo de Galicia.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
