Participan no Coñece a túa provincia oito colectivos de Baralla, Abadín, Castro de Rei, Outeiro de Rei, Burela, Barreiros e Lugo, e iniciarán as rutas desde o Pazo de San Marcos, o Mazo de Santa Comba, a produtora de audiovisuais ou a Granxa Gayoso Castro
Lugo, 22 de abril de 2025. O programa de viaxes gratuítas Coñece a túa provincia da Deputación de Lugo leva esta semana de viaxe a un total de 184 veciños e veciñas. Os participantes pertencen a oito colectivos dos concellos de Baralla, Abadín, Castro de Rei, Outeiro de Rei, Burela, Barreiros e Lugo, que descubrirán a comarca da Ribeira Sacra, A Ulloa, A Mariña, Lugo ou Sarria.
As rutas desta semana iniciáronse este mesmo martes da man da Asociación Os Malugreiros, de Baralla, que comezaron a viaxe no Pazo de San Marcos; e a Asociación Coral Polifónica, de Abadín, que partiu do Mazo de Santa Comba. Ambos grupos escolleron o percorrido que os levará ata a Ribeira Sacra onde visitarán o Museo do Ferrocarril ou o Pazo de Tor, o conxunto monumental de San Vicente do Pino e o Centro do Viño da Ribeira Sacra.
O mércores, os membros da Asociación Cultural e Veciñal Virxe da Portería, de Castro de Rei, iniciarán a ruta desde o Pazo de San Marcos e despois descubrirán o convento do Divino Salvador de Ferreira de Pantón e a igrexa de San Miguel de Eiré. Ademais, tamén visitarán Os Peares e unha adega. Nesta mesma xornada, a Asociación Veciñal, Cultural A Porta dos Ancares, de Baralla, achegarase ata a produtora do Servizo de Audiovisuais para despois coñecer a igrexa do mosteiro de Ferreira de Pallares, en Guntín, o Castelo de Pambre e a igrexa de Vilar de Donas, en Palas de Rei.
O xoves, a Asociación Viandantes do Camiño Primitivo ou Ovetense, de Outeiro de Rei, escolleu unha ruta que comezará na Granxa Gayoso Castro da Deputación e continuará ata a comarca da Mariña, onde percorrerán o paseo marítimo de Barreiros, visitarán a praia das Catedrais ou o casco histórico de Ribadeo. Ademais, as integrantes da Asociación de Amas de Casa Praia da Marosa, de Burela, partirán do Mazo de Santa Comba e logo visitarán Portomarín, o castro de Castromaior e a igrexa de Santa María de Ferreirós, ao seu paso polo Camiño Francés.
Por último, o venres a Asociación de Veciños Celeiro de Mariñaos, de Barreiros, iniciará o percorrido no Mazo de Santa Comba para despois coñecer algúns dos atractivos de Sober e Monforte, como o miradoiro sobre o Canón do Sil, unha igrexa románica e, ademais, tamén realizarán unha ruta en catamarán. Por outra banda, partirá do Pazo de San Marcos, a Asociación Cultural e Deportiva de San Juan de Tirimol, de Lugo, que visitará, na comarca mariñá, Barreiros e Ribadeo.
O Coñece a túa Provincia inclúe, de balde, o transporte para os traslados de ida e volta dende o lugar ou lugares de orixe, póliza de seguros de viaxeiros, menú de xantar, e entradas e visitas a diferentes lugares de interese da provincia de Lugo. Estes percorridos realízanos profesionais que contan coa habilitación de guía oficial de turismo de Galicia e persoal de atención ao público nos diferentes museos, empresas ou obradoiros sinalados nos itinerarios do programa.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
