Viveiro, 29 de abril, 2025. O BNB explica que: “Desde o anterior goberno municipal, encabezado pola tenenta de alcaldesa de entón, Míriam Bermúdez, realizouse un traballo exhaustivo e responsable para poñer en evidencia a urxente necesidade de renovar as tubaxes de distribución entre a ETAP de Landrove e a estrada LU-540. A antigüidade das instalacións, xunto cos constantes problemas de roturas e cortes de subministración, afectaban de forma continua a numerosas familias, deixando claro que a situación requiría unha resposta inmediata”.
“Froito dese traballo riguroso, Míriam Bermúdez desenvolveu unha análise técnica detallada en colaboración coa empresa concesionaria VIAQUA, que deu lugar á elaboración dunha memoria que documentaba a crítica situación da infraestrutura. Esta documentación foi presentada formalmente á Xunta a finais de 2024, exixindo a intervención inmediata”.
“Agora, coñecemos que esta actuación comeza finalmente a avanzar, cun proxecto técnico en marcha e un compromiso de colaboración para a súa execución. Desde o BNG de Viveiro, recibimos con satisfacción este avance, pois supón o recoñecemento do traballo serio e rigoroso realizado no seu momento”.
“Alégranos que, aínda que tarde, se dean os pasos necesarios para atender unha demanda que puxemos sobre a mesa cunha serie de informes, propostas e constante insistencia. O noso compromiso co interese xeral da veciñanza de Viveiro segue sendo firme e inquebrantable”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
