Cervo, 4 de xullo de 2025. Desde o Bloque Nacionalista Galego en Cervo manifestan a súa profunda indignación ante a negativa da alcaldesa do Partido Popular, Dolores García, a tratar e apoiar a moción de urxencia presentada polo seu grupo municipal no pleno celebrado este xoves e na que se instaba á Xunta de Galicia a tomar medidas urxentes para garantir a continuidade da actividade produtiva e a protección do patrimonio cultural e industrial da fábrica de Sargadelos.
Desde o Partido Popular, pasividade institucional
“A decisión do administrador único de pechar a planta de fabricación en Cervo constitúe un atentado directo contra a nosa historia, a nosa identidade e o futuro económico do noso concello. Ante esta situación de emerxencia, agardabamos unha resposta unánime e firme por parte do pleno municipal. Polo contrario, a alcaldesa preferiu situarse do lado da pasividade e do abandono institucional, negándose a apoiar unha iniciativa que tiña como único obxectivo defender un símbolo fundamental da nosa terra e do noso concello” afirmou o portavoz municipal Diego Fernández Martínez.
O edil nacionalista manifestou tamén que “resulta incomprensible que, ante un golpe tan duro para o emprego e o tecido social cervense, o Partido Popular opte por mirar cara outro lado. A fábrica de Sargadelos non é só unha empresa; é un emblema da cultura galega, un patrimonio que pertence a todas e todos nós, e que merece ser protexido con decisión e valentía”
A Xunta e o Concello tenen que actuar
“Desde o BNG seguiremos traballando, dentro e fóra do Concello, para que a Xunta de Galicia asuma a súa responsabilidade e actúe de inmediato para evitar o desmantelamento de Sargadelos. Non imos permitir que se perda unha peza clave da nosa memoria colectiva nin que se condene a nosa veciñanza a máis paro e máis despoboamento”.
“Facemos un chamamento á cidadanía a mobilizarse en defensa de Sargadelos, e esiximos á alcaldesa que rectifique, abandone o seguidismo partidista e se poña do lado do pobo de Cervo”.
A organización estima que se porán á venda unhas 18.000 filloas ao longo do día. Este ano ofreceranse tamén ao público filloas sen glute e haberá degustacións do produto acompañado de crema de cacao, nata ou mel. Unhas 145 persoas colaborarán durante toda a xornada para celebrar a festa, impulsada pola mesma comisión organizadora da Moexmu 2025.
A Deputación achega 50.000€ ao Concello de Vilalba para a organización deste evento. O festival, que agarda recibir este dous días a milleiros de persoas, contará con artistas de renome como Varry Brava, Joe Crepúsculo, Shinova, León Benavente e The Rapants, entre outros. Pablo Rivera destacou a importancia do evento, que se celebra desde 2008, e subliñou que “o FIV é unha cita consolidada no panorama musical da comarca e da provincia, e desde a Deputación queremos continuar a apoiar este evento cultural, que tamén repercute positivamente na economía local”.
As crianzas de 3 a 6 anos, poden facer o seu marcapáxinas orixinal. As crianzas de 7 a 11 anos, deben continuar o relato que se inclúe no cartaz. As persoas de 12 anos en diante, poden escoller entre contar unha anécdota familiar ou seguir a historia que aparece no cartel. O prazo remata o 30 de abril para presentar os traballos a través do correo prensa@concellodecervo.com ou por whatsapp ao 683315939.
Durante o seu percorrido pola feira, a conselleira puxo de relevo a importancia de eventos deste tipo que contribúen á dinamización das zonas rurais e, neste caso, a dar a coñecer o traballo que desenvolven estes artesáns do ferro.
O conselleiro do Mar asistiu ao xantar da III Festa das Xeracións na carpa da Praza dos Campos.
En total puxeron á venda 300 kgs de mexillóns na carpa instalada para a celebración deste evento gastronómico, que tivo por obxectivo poñer en valor un produto do mar como é o mexillón. A xornada contou con amenización musical. Ata Rinlo se achegaron o alcalde, Dani Vega, as concelleiras de Turismo, Cultura e Benestar Social, Marta Saiz, Begoña Sanjurjo e Elena Sierra, e o conselleiro do Mar, Alfonso Villares.
Tras o partido que se decidiu na tanda de penaltis a favor do equipo da Mariña, o responsable provincial valorou "o encontro como unha mostra do gran nivel do fútbol sala feminino na provincia con dous equipos que ofreceron unha gran espectáculo deportivo" e destacou "o bo ambiente no pavillón coas afeccións apoiando en todo momento ás súas xogadoras".
