Viveiro, 11 de abril de 2025. O BNG de Viveiro vén de criticar duramente a falta de vontade política do goberno do PP para continuar co proceso de contratación dunha Empresa de Servizos Enerxéticos (ESE), iniciado polo anterior executivo nacionalista, e que permitiría modernizar o alumeado público e reducir nun 50% o gasto enerxético do Concello.
No pleno celebrado esta semana, a concelleira do BNG Míriam Bermúdez solicitou explicacións sobre o estado actual do procedemento. O proxecto fora impulsado durante o seu mandato na área de obras, incluíndo a realización dunha auditoría enerxética das instalacións municipais, co obxectivo de avanzar cara a un novo modelo de xestión eficiente e sustentable.
Segundo a resposta da alcaldía, o documento elaborado polo BNG “é complicado de entender”, “ten moitas cifras” e necesita de tempo para lelo. “É unha mostra evidente da falta de preparación e do desinterese por unha proposta que xa estaba practicamente lista para pasar á Mesa de Contratación”, lamenta Bermúdez.
O contrato coa ESE permitiría que a empresa asumise os custos da modernización do sistema, xestionando o alumeado exterior e a calefacción nos edificios municipais, sen que iso supuxese un investimento inicial por parte do Concello. Un modelo que xa se aplica noutros concellos e que supón importantes aforros económicos e ambientais.
“O goberno do PP nin sequera se molesta en analizar o proxecto. Están máis pendentes dos titulares e do soldo que de pensar nunha xestión futura”, critica a concelleira. “A factura da luz superou o millón de euros o ano pasado, pero semella que iso non é prioridade para a alcaldesa 60k”.
Desde o BNG, reiteran que este tipo de políticas son fundamentais para un Viveiro moderno, eficiente e sostible, e lamentan que o actual executivo estea a frear iniciativas que xa estaban encamiñadas.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
