Rodil advirte que suporía a desaparición dun auténtico emblema de País e insta á Xunta a velar pola protección do patrimonio das galegas e galegos
Santiago de Compostela, 2 de marzo, 2025. A viceportavoz do BNG, Olalla Rodil, vén de reclamar ao Goberno de Rueda que actúe de inmediato para impedir o peche de Sargadelos, un “auténtico emblema deste País” que está en perigo tras o anuncio feito este mércores polo administrador único da empresa de pechar, cando menos, o centro de produción en Cervo, segundo a información que transcendeu até o momento.
Nada máis coñecer a nova, Rodil amosou a “profunda preocupación” do BNG pola decisión anunciada, posto que o peche suporía a desaparición dun “auténtico emblema de País” e, ademais, a destrución de centos de postos de traballo. “Sargadelos garda, ademais das fábricas de Cervo e Sada, unha parte esencial do patrimonio material e inmaterial de Galiza, desde os seus edificios declarados Bens de Interese Cultural até o legado patrimonial e artísitico que nos deixaron Isaac Díaz Pardo e Luis Seoane cando impulsaron este marabilloso proxecto que é un auténtico símbolo nacional de Galiza”, afirmou.
É por iso que a deputada de Lugo advertiu que “o Goberno da Xunta non pode ser alleo ao que está a acontecer en Sargadelos”, emprazándoo a “actuar de maneira inmediata” para impedir o peche e garantir os postos de traballo tanto en Cervo como en Sada. “E, por suposto, velar pola protección do patrimonio das galegas e os galegos”, engadiu Rodil, que avanzou que o BNG vai rexistrar iniciativas no Parlamento co obxectivo de garantir o futuro de Sargadelos.
O BNG de Cervo anuncia iniciativas para garantir a continuidade do proxecto
O BNG de Cervo quere expresar a súa máis absoluta condena ante o anuncio do peche da fábrica de Sargadelos, feito polo seu administrador, Segismundo García. Esta decisión representa un golpe demoledor para Cervo, para a Mariña e para toda Galiza, pois supón poñer en risco un emblema do noso patrimonio cultural, social e laboral.
Sargadelos non é só unha empresa; é un símbolo da identidade galega, cunha historia de décadas de loita e innovación, e coa capacidade de xerar emprego e dinamizar a economía local. Desde o BNG consideramos que esta acción é irresponsábel e inxustificábel, e responde a unha mala xestión empresarial que busca desmantelar a fábrica en beneficio de intereses alleos ao benestar dos traballadores e da comarca.
O portavoz do BNG en Cervo, Diego Fernández, quere deixar claro que o BNG estará do lado dos traballadores e loitará por evitar este peche
“O BNG quere expresar o seu apoio total e absoluto aos traballadores de Sargadelos. Non podemos permitir que se peche unha fábrica que representa o noso pasado, presente e futuro. Levarémos ao pleno do Concello iniciativas para protexer a continuidade de Sargadelos e reclamaremos accións concretas por parte da Xunta para garantir a viabilidade do proxecto”. Afirmou Diego Fernández, que manifestou tamén que “Desde o BNG denunciamos a pasividade do Partido Popular, que permite que empresarios como Segismundo García actúen con total impunidade, destruíndo empregos e tecido industrial sen ningunha resposta por parte das administracións. O PP demostra, unha vez máis, que a súa prioridade non é defender os intereses da veciñanza, senón permitir a especulación e o abandono do noso patrimonio industrial”
Desde o BNG comprométen se a impulsar todas as accións necesarias para evitar este atropelo e chama á mobilización social en defensa de Sargadelos, da súa historia e do seu futuro.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
