Burela, 5 de abril, 2025. O conxunto feminino do Burela FS trouxo unha gran vitoria da pista do Arriva AD Alcorcón (2-5) logo de que as discípulas de Julio Delgado realizasen un partido moi serio e sentenciasen no tramo final cando as mariñás sacaron a relucir a súa calidade e maior fondo de armario. Patricia, cun dobrete, foi o estilete das Pícaras en terras madrileñas. Con este triunfo na vixésimo quinta xornada, as burelistas mantéñense na terceira posición, a tres puntos do Futsi Atlético Navalcarnero.
O primeiro cuarto de partido non tivo demasiadas ocasións e só Emilly, cun disparo duns 12 metros, e Patricia, con outro lanzamento, inquietaban a Ana Etayo. Superado xa o ecuador da primeira entrega, o equipo de Julio Delgado tiraba da pizarra para adiantarse cunha gran volea de Patricia á saída dun saque de banda executado por Emilly.
Só a gran actuación de Caridad e Ana Etayo evitaba que subisen máis goles ao marcador antes do descanso. A porteira de Sanlúcar multiplicábase para despexar as acometidas de Vane Sotelo, Sarita e Laura. Mentres, as visitantes tiveron o segundo nos pés de Dany e Emilly, pero os seus disparos non atoparon o camiño da portería alfareira. Tampouco lograba o tanto Antía Pérez no último achegamento con perigo das mariñás na primeira metade.
Tralo paso polos vestiarios, Patricia estaba a piques de subir o segundo á conta visitante, pero o seu remate a porta, con Ana Etayo xa vencida, sacábao unha futbolista local baixo paus. Despois era Noelia Montoro a que evitaba a igualada das alcorconeras repelendo baixo paus o remate de Albita.
Igualarían as de Raúl Castro, ‘Piru’, no minuto 28, cunha falta botada por María Barcelona que tocaba Emilly e iso evitaba que puidese chegar Caridad ao esférico. A resposta das laranxas chegaba tres minutos máis tarde nunha nova acción de estratexia. Antía Pérez enganchaba unha gran volea tras un saque de esquina de Cami para poñer o 1-2.
O terceiro das Pícaras chegaría xa dentro do últimos cinco minutos de encontro, cando Patricia finalizaba con moita calidade unha contra lanzada por Dany. A yeclana anotaba o seu particular dobrete picando ante a porteira navarra.
O técnico local respondía ao 1-3 con Peque coa camiseta de porteira-xogadora, pero nunha das primeiras acometidas locais, Emilly roubaba o coiro e marcaba desde campo propio aproveitando que a portería madrileña estaba baleira. A dous minutos da conclusión chegaba o 2-4 nun pase de Laura que tocaba Patricia e de novo volvía enganar a Caridad, do mesmo xeito que no primeiro tanto local.
O cadro mariñán redondeaba a súa conta a pouco máis dun minuto da conclusión nunha recuperación de Antía Pérez que cedía para que Dany anotase no segundo pau.
Ficha Técnica Arriva AD Alcorcón 2-5 Burela FS
Arriva AD Alcorcón (2): Ana Etayo; Aída de Miguel, Laura, Tania Benito, Vane Sotelo -quinteto inicial-, Sarita, Peque, Albita, Ana Sanz e María Barcelona.
Burela FS (5): Caridad; Noelia Montoro, Antía Pérez, Débora -quinteto inicial-, Emilly, Dinha, Cami e Cris Lourés.
Goles: 0-1, min. 12: Patricia. 1-1, min. 28: María Barcelona. 1-2, min. 31: Antía Pérez. 1-3, min. 35: Patricia. 1-4, min. 36: Emilly. 2-4, min. 38: Laura. 2-5, min. 39: Dany.
Árbitros: Guillén Lahoz (Aragón) e Gutiérrez Muñoz (Castilla-La Mancha). Amoestaron á xogadora local Albita.
Incidencias: Encontro da vixésimo quinta xornada da Primeira Iberdrola FS disputado no pavillón de Los Cantos (Alcorcón).
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
