Antonio Ameijide afirma que con este segundo plan anunciado polo presidente da Deputación só se actuará en 120 quilómetros dos 4.217 que compoñen a rede viaria provincial (construída na súa totalidade por gobernos do PP) o que supón actuar unicamente no 2,7% da rede
Lugo, 26 de abril de 2025. O voceiro provincial popular, Antonio Ameijide, explica que “non vemos por ningures” o éxito do que presume José Tomé trala presentación do segundo plan de mellora de estradas provinciais para 2025.
Antonio Ameijide sinala que “se para PSOE e BNG é un éxito actuar unicamente no 9% dos 4.217 quilómetros” da rede viaria provincial “temos un serio problema xa que o abandono de case dúas décadas non aparece só no 9% dos quilómetros, senón na práctica totalidade dos 4.217”.
Este segundo plan anunciado por José Tomé contempla actuar unicamente en 120 quilómetros polo que “a palabra fracaso é máis axeitada que éxito”.
Entre ambos plans investiranse no arranxo das estradas provinciais 15,5M€, “aínda moi lonxe das cantidades das que presumiron no seu día PSOE e BNG”, recordando Antonio Ameijide como é preciso “un investimento moito maior e un plan serio para poñer fin a case dúas décadas de abandono e unha total falta de mantemento na rede viaria provincial.
TOTAL FALTA DE AMBICIÓN
Antonio Ameijide recorda como dende que comezou o mandato reclamamos a PSOE e BNG a posta en marcha dun plan de actuación na totalidade da rede viaria provincia, actuando primeiro ou dando prioridade a aquelas estradas nas que non se actuara durante máis tempo ou que por motivos de urxencia e seguridade precisasen dunha renovación inmediata. “Todas as veces que reclamamos a posta en marcha deste plan, xusto e igualitario, PSOE e BNG sempre votaron en contra e agora queren vender parches como a gran solución”, denunciou.
Ademais, o voceiro provincial popular recorda como a proposta de destinar a metade dos 21M€ extra procedentes da recadación dos impostos do Estado á mellora da rede viaria provincial “caeu en saco roto” xa que tamén se negaron a esta petición, como á petición defendida en novembro para renovar 90 estradas provinciais en 15 concellos do sur da provincia.
“Os plans que se estudan e defenden dende o PP teñen o consenso da veciñanza e teñen en conta as necesidades de cada municipio, mentres que PSOE e BNG se basean unicamente en afinidades políticas e amizades”, explicou.
Segundos os datos publicados por PSOE e BNG entre os dous plans anunciados seguirán sen actuar na totalidade dos concellos da provincia, quedando ata 12 nos que non se actuará nin nun metro: Alfoz, Becerreá, Burela, Cervo, Folgoso do Courel, O Incio, O Páramo, Quiroga, Ribas de Sil, Samos, O Valadouro e Viveiro
Dende o Grupo Provincial Popular recordan que “estas actuacións son unha pequena vitoria pero a guerra segue porque aínda restan moitas estradas provinciais e moitos quilómetros que son perigosos e presentan serios problemas para a circulación, provocando picadas nas rodas, roturas nos vehículos e ata accidentes”.
Neste senso, os deputados populares sinalan que “seguiremos apoiando as xustas reclamacións dos veciños da provincia xa que a rede viaria provincial é moi perigosa unicamente polo abandono e a falta de traballo de PSOE e BNG durante case dúas décadas”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
