Lugo, 26 de abril de 2025. O Grupo Provincial Socialista defenderá no vindeiro pleno da Deputación de Lugo o martes 29 de abril, dúas mocións encamiñadas a reclamar á Xunta de Galicia unha resposta firme ante a crise xerada pola política arancelaria de Estados Unidos e a esixir á multinacional Alcoa que cumpra os acordos establecidos cos traballadores da factoría de San Cibrao.
Na primeira das iniciativas, os socialistas demandan á Xunta “un plan específico e eficaz” para facer fronte aos efectos negativos derivados das novas tarifas arancelarias impostas polo Goberno norteamericano, especialmente sobre sectores fundamentais da economía lucense como o vinícola, o agrogandeiro e a industria. “Fronte á pasividade da Xunta, dende o Goberno de Pedro Sánchez mobilizáronse xa 14.000 millóns de euros en axudas e estase traballando activamente na apertura de novos mercados internacionais”, lembra Pilar García Porto.
Os socialistas consideran “vergonzoso e insuficiente” que o presidente da Xunta, Alfonso Rueda, só ofrecese “unha resposta improvisada e propagandística, limitándose a anunciar fondos xa existentes, sen achegar novas solucións nin recursos extraordinarios”. Por iso, o PSdeG reclama un plan específico que inclúa novos fondos, axudas directas non reembolsables ás empresas máis afectadas e medidas concretas para abrir novos mercados. Tamén piden ao Goberno galego que “abandone a soberbia e acepte a colaboración dos partidos da oposición para a elaboración deste plan”.
Respecto á situación da factoría de Alcoa en San Cibrao, os socialistas pedirán o apoio do Pleno para instar á multinacional estadounidense a cumprir “de inmediato” o acordo de viabilidade asinado cos traballadores, no que se comprometía á construción dun novo forno de cocción de ánodos, un proxecto actualmente paralizado. “Alcoa está a poñer en risco o futuro da planta e centos de empregos directos e indirectos, nun claro incumprimento dos seus compromisos, mentres recupera beneficios económicos importantes”, denuncian os socialistas.
O Grupo Provincial do PSdeG esixe, ademais, ás administracións públicas que faciliten mediante créditos ICO ou IGAPE o financiamento necesario para acometer estas obras e advirten de que “se Alcoa persiste en incumprir os acordos, a SEPI e o IGAPE deben tomar o control da planta de San Cibrao para garantir a continuidade da actividade industrial na Mariña lucense”.
“Fronte á pasividade da Xunta e as manobras especulativas dunha multinacional, o PSdeG seguirá defendendo os intereses económicos e sociais dos lucenses”, conclúen os socialistas.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
