Na miña condición de secretario do PSOE Exterior da Comisión Executiva Federal do PSOE, entre o 23 e o 29 de abril despraceime a Arxentina e Uruguai onde residen ao redor de 200.000 galegos. O programa de traballo incluíu, ademais das relacións coa colectividade española en xeral, un importante número de contactos cos centros galegos.
En Buenos Aires visitei e percorrín as instalacións do Centro Galicia (que xurdiu dunha fusión co Centro Lucense), a principal institución da emigración en Arxentina, e reuninme cos directivos dos principais centros representativos de Galicia, entre eles o Centro Galego.
Tiven a oportunidade de coñecer directamente o cadro de Castelao “A Derradeira leición do Mestre” situado na sala que leva o nome do seu autor. Unha gran emoción para min pola significación contra a represión franquista que leva e pola personalidade política do seu autor. Un testemuño de defensa da educación e da convivencia, fronte á intolerancia e a violencia da ditadura.
Tamén percorrín as instalacións do Colexio Santiago Apostol, institución educativa galego – arxentina onde mantiven un coloquio integramente en galego cos alumnos interesándose por asuntos de actualidade de Galicia.
En Uruguai tamén visitei distintos centros, incluíndo a asociación Alma Galega, onde tiven a oportunidade de conversar con moitos paisanos que a integran.
Ao longo destes encontros, tanto en Arxentina como en Uruguai, coincidín con varios descendentes de persoas que emigraron desde A Mariña.
O programa de traballo en Arxentina e Uruguai tivo como asunto máis destacado o avance que representou para a colectividade galega o dereito á nacionalidade española para descendentes das xeracións de emigrantes que se desprazaron significadamente a América e Europa. A materialización deste dereito, a proposta do Goberno de Pedro Sánchez, incorporouse na Lei de Memoria Democrática e contou co voto en contra do PP e VOX, aliñados claramente contra unha gran demanda reivindicada pola emigración española e en particular pola galega.
Este é o primeiro desprazamento que realizou a América desde que asumín a miña responsabilidade no PSOE. Seguiranlle outros porque para os socialistas os galegos que residen fóra de Galicia – ao redor de medio millón – son unha prioridade para materializar os seus dereitos como cidadáns españois.
César Mogo
Senador por Lugo
Secretario PSOE Exterior. CEF
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
