O primeiro episodio presentarase o 18 de maio nunha homenaxe a Concha de Agrade, de Chantada, informante de Dorothé Schubarth para o “Cancioneiro Popular Galego”
Lugo, 12 de maio de 2025. Coincidindo coa fin de semana das Letras Galegas, que este ano recoñece o papel das cantareiras na transmisión da poesía oral, a Vicepresidencia da Deputación de Lugo lanza a serie de podcast “Folcast”, un percorrido pola oralidade e a música tradicional de Lugo.
A deputada de Cultura Iria Castro, a concelleira de Cultura de Lugo Maite Ferreiro e Xosé Gago, coordinador de Folcast canda Branca Villares, presentaron o proxecto, formado por dez episodios que se difundirán ao longo do ano.
Iria Castro e Maite Ferreiro explicaron “que con esta proposta contribuímos tamén desde Lugo ao recoñecemento das pandereteiras e cantareiras e en xeral, das mulleres, como creadoras e conservadoras de literatura oral, tradicional e musical, historicamente invisibilizado” e
Xosé Gago sinalou que o obxectivo de Folcast é “crear un artefacto colectivo mediante entrevistas que ofrecen unha ollada ampla e poliédrica sobre o fenómeno”. Así, nvestigadoras, intérpretes, representantes do tecido asociativo ou escritoras pasarán polos micrófonos de Folcast, que percorreron as distintas comarcas na procura das portadoras e transmisoras da poesía tradicional.
Os episodios terán entre 45 e 60 minutos de duración e terán unha emisión mensual na páxina web da Deputación de Lugo e en distintas plataformas, aínda que tamén se emitirán episodios especiais. Para estar ao tanto das emisións puxo en marcha o perfil de Instagram (@folcast_radio), no que ademais se poderá acceder a contido extra.
Homenaxe a Concha de Agrade
O primeiro episodio da serie ten como protagonista a Concha de Agrade, unha das informantes da provincia de Lugo que tivo Dorothé Schubarth para a elaboración do “Cancioneiro Popular Galego”, obra magna da etnomusicoloxía galega e cuxas gravacións están accesibles na web do APOI.
A súa presentación farase o 18 de maio nun xornada de homenaxe que se celebrará na que foi a casa da Concha, en San Vicente de Agrade, en Chantada, ás 13.00 horas. Previamente, a Coral de Chantada cantará na misa de 12:00 na igrexa parroquial. A través da figura de Concha preténdese homenaxear ás pandeireteiras da provincia, entendendo que o fenómeno da oralidade é colectivo e non individual.
No acto participarán o fillo de Concha, “Suso do Rei”; Alba María, investigadora e intérprete; Isabel Vigo, técnico do APOI do Museo do Pobo Galego, así como Iria Castro, responsable da Área de Cultura da Deputación de Lugo e Xosé Gago, un dos responsables de Folcast.
O acto estará musicado polas pandeireteiras de Dakidoasma que ofrecerán unhas pezas para despois unirse ao resto da agrupación para pechar o evento con máis música e uns petiscos. A organización fala de petiscos colaborativos, nos que cadaquén pode achegar algo de comer e bebida. Tamén se anima dende a organización a levar vaso propio.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
