Ribadeo, 27 de maio de 2025. A Xunta aprobou no Consello de onte un investimento de 360.000 euros para rematar o arranxo da estrada da costa. O alcalde, Dani Vega, fai unha valoración positiva do convenio que o Concello asinará con Turismo de Galicia para a mellora da circunvalación de Rinlo e o acceso ás praias ribadenses.
O rexedor declarou: “o Consello a Xunta aprobou a mellora da circunvalación de Rinlo e acceso as praias do noso concello. Un orzamento superior a 360.000 euros e é un convenio entre Turismo de Galicia e o Concello de Ribadeo. Neste caso, a Xunta de Galicia vai aportar 80%, o restante será aportada polo Concello e parécenos unha infraestrutura necesaria, importante, unha vía de comunicación co concello veciño de Barreiros, tamén unha infraestrutura estratéxica para o noso turismo, e dende logo para corrixir incidencias importantes que hai en Rinlo. Por iso, esa circunvalación servirá para evitar ese tráfico rodado que causa tantos problemas en Rinlo”.
Vega subliñou: “o que vamos é traballando por un turismo de calidade, é dicir as infraestruturas deben estar ben e desde logo iso favorece o turismo que queremos en Ribadeo. Trátase dun convenio necesario, importante, dado que anteriormente arranxamos desde Vilaselán a Rinlo, co Plan Único da Deputación, 370.000 euros, agora concretamos e concluímos toda unha rede dunha infraestrutura tan importante como a estrada da costa, que levaba moitos anos abandonada”.
O alcalde engadiu: “o Consello da Xunta deu luz verde para firmar o convenio e nos próximos días así o faremos. Polo tanto, unha boa noticia, outra nova xestión, outro novo convenio coa Xunta de Galicia, que o que favorece é fai é que Ribadeo avance”.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
