Cervo, 22 de maio de 2025. O colexio CEP Pintor Sorolla de Alacante foi escenario do encontro profesional entre docentes de cinco colexios de distintas comunidades autónomas que participan no proxecto educativo “Cada gota cuenta”, enmarcado no programa Agrupacións de Centros Escolares do Ministerio de Educación, Formación Profesional e Deportes. Durante tres días, o centro alacantino recibiu a docentes de catro institucións educativas de distintas comunidades do estado: o C.R.A. Lena (Asturias), o CEIP Tagoror (Gran Canaria), o CEP Antonio Ulloa (Cartagena) e o galego CEIP de Cervo.
Esta iniciativa común ten como obxectivo principal promover a concienciación sobre o aforro e a conservación da auga, aliñándose cos Obxectivos de Desenvolvemento Sostible (ODS) marcados pola Axenda 2030.
Durante o encontro, docentes dos centros educativos compartiron experiencias, estratexias e actividades desenvolvidas nas súas respectivas aulas para fomentar a sustentabilidade e a inclusión educativa. “Cada gota cuenta” non só persegue sensibilizar ao alumnado sobre o valor da auga como recurso limitado, senón que tamén busca fortalecer os lazos entre comunidades escolares diversas, poñendo no centro a equidade e a participación activa.
Os colexios participantes, procedentes de diferentes comunidades, traballaron colaborativamente durante todo o curso no deseño de proxectos interdisciplinares e de Aprendizaxe-Servizo que integran o coidado do medio ambiente con metodoloxías inclusivas e participativas, co fin de contribuír á concienciación do alumnado e ao seu desenvolvemento como cidadáns responsables e implicados no coidado e protección do noso planeta.
O evento contou con talleres formativos, exposicións de boas prácticas e espazos de diálogo, consolidando unha rede de docentes comprometidos cunha educación transformadora e sostible. Desde o CEP Pintor Sorolla, autoridades locais como inspección educativa, destacaron a importancia deste tipo de iniciativas que non só enriquecen a práctica docente, senón que tamén constrúen unha cidadanía máis consciente e responsable.
Este encontro marca un fito no desenvolvemento do proxecto “Cada gota cuenta” e senta as bases para futuras colaboracións interterritoriais centradas na educación en valores, a sustentabilidade e a inclusión.
«Cada gota cuenta» busca implementar metodoloxías activas e fomentar as aprendizaxes no ámbito STEAM, incluíndo a robótica e o pensamento computacional. Esta iniciativa, que se desenvolve ao longo de dous anos, culminará en maio de 2026 cunha mobilidade do alumnado aos Pireneos.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
