Alfoz, 10 de maio do 2025. Hoxe celebrouse o III Concurso de Pesca no río Ouro, organizado pola Sociedade de Pesca Amigos do Ouro, coa colaboración do Concello de Alfoz, Concello do Valadouro, Concello de Foz e a Vicepresidencia da Deputación de Lugo.
A cita, de carácter sen morte, contou coa participación de 20 persoas, afeccionadas á pesca deportiva sostible, que tiveron que enfrontarse a condicións complicadas debido ao forte aumento do caudal do río, provocado polas choivas dos últimos días. “Foi unha xornada dura. A pesca estivo complicada porque o río aumentou moito de caudal, pero ao final conseguimos desfrutar dunha bonita experiencia”, comentou Pablo González, presidente da sociedade.
A pesar das dificultades, os participantes demostraron a súa pericia e respecto polo medio, devolvendo todas as capturas ao seu hábitat. A mellor peza da xornada foi precisamente a do propio Pablo González, cun exemplar de 52 cm, que lle valeu tamén o premio ao gañador na modalidade de lance. Na modalidade de mosca, o primeiro posto foi para Alejandro Fernández.
“É unha satisfacción ver como, ano tras ano, este concurso vai collendo forza e se consolida como unha cita obrigada para os amantes da pesca na Mariña”, destacou González, quen tamén subliñou a importancia de fomentar a pesca deportiva responsable e respectuosa co ecosistema fluvial.
Desde a organización agradecen a participación, o apoio das administracións colaboradoras e comprométense a seguir traballando por un deporte en harmonía coa natureza e coa comunidade local.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
