A actividade, contou coa colaboración do Concello de Cervo, e desenvolveuse nas pistas de atletismo da Veiga durante toda a mañá
Cervo, 27 de maio, 2025. As pistas de atletismo da Veiga acolleron esta mañá unha carreira solidaria organizada polo CEIP de Cervo, en colaboración co Concello de Cervo, na que participou todo o alumnado, desde infantil ata 6º de primaria.
A iniciativa enmárcase na XXI edición da Carreira Escolar Solidaria, promovida por Save the Children que canaliza os fondos recadados que serán destinados ás persoas afectadas pola DINA que asolou a Comunidade Valenciana.
Durante a carreira, o alumnado estivo acompañado pola alcaldesa de Cervo, Dolores García Caramés, quen quixo sumarse a esta xornada tan especial, amosando o seu apoio e recoñecemento á iniciativa que tamén é unha das actividades que pecha este curso o programa “Cada Gota Conta”, no que está inmerso o CEIP de Cervo, en colaboración con outros catro centros de ensino de diferentes puntos de España.
Cada neno e nena correu animado polos seus patrocinadores: familiares e amizades que fixeron unha aposta simbólica, entregando nun sobre pechado a cantidade que consideraron oportuna por cada volta completada por cada neno/a.
Desde a comunidade educativa do CEIP de Cervo sinalan que queren agradecer ao Concello de Cervo a súa colaboración na iniciativa, a través da cesión das instalacións e tamén por facilitar o transporte de todo o alumnado ata o complexo da Veiga.
E Tamén expresan o seu máis sincero agradecemento ás persoas patrocinadoras, cuxa xenerosidade fixo posible esta xornada de deporte, solidariedade e concienciación.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
