O sistema VioGén rexistra 768 mulleres vítimas de violencia de xénero na provincia de Lugo
Lugo, 6 de maio de 2025. A subdelegada do Goberno en Lugo, Isabel Rodríguez, resaltou hoxe a vontade do Goberno de España para achegar ao territorio prestacións que supoñen “unha oportunidade para rearmarse” ás mulleres vítimas das violencias machistas, con motivo da inauguración da xornada ‘Novo subsidio para vítimas de violencia de xénero ou sexual’ organizado pola Subdelegación na sede da Axencia Tributaria.
Isabel Rodríguez abriu a xornada xunto ao director provincial do SEPE, Andrés Ibáñez, e a técnica do SEPE, Tania López, que fixo un relatorio sobre os aspectos concretos da prestación. Na charla abordáronse a acreditación da condición de vítima de violencia de xénero ante o SEPE, a duración, o prazo e a contía do novo subsidio, entre outras cuestións.
“O apoio económico que supón o subsidio ofrece ás mulleres vítimas de violencia de xénero ou sexual unha oportunidade de rearmarse para saír adiante e a seguridade de sentirse recoñecidas e acompañadas pola administración”, afirmou a subdelegada, aproveitando a xornada para animar a denunciar calquera tipo de violencia contra as mulleres.
O sistema VioGén rexistra 768 mulleres vítimas da violencia de xénero na provincia de Lugo. Unha realidade fronte á que o Servizo Público de Emprego pretende dar ferramentas que permitan servir de sostén económico a mulleres en situacións de especial vulnerabilidade, como son ás vítimas de violencia de xénero ou sexual.
Isabel Rodríguez afirmou que “actuar como Estado fronte á violencia de xénero ou sexual é un compromiso esencial do Goberno de España para avanzar plenamente en políticas públicas que permitan dar resposta de maneira transversal ás necesitades das vítimas”.
“Trátase de abordar a complexidade do problema desde todos os ámbitos: sociocultural, educativo, sanitario, xurídico e económico. O obxectivo non pode ser outro que atender situacións complexas para combater os diversos tipos de violencia e a discriminación contra as mulleres”, dixo para sinalar a importancia de xornadas como esta, que perseguen o fin de divulgar os avances nun asunto capital como é atender ás vítimas, erradicar as violencias machistas e lograr a igualdade real e efectiva entre mulleres e homes, en liña co obxectivo 5 da Estratexia 2030.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
