Ribadeo, 7 de maio de 2025. Vitaldent e Acisa Ribadeo acaban de firmar un novo convenio de colaboración que ofrece condicións vantaxosas aos socios e socias do colectivo empresarial así como aos empregados e familiares para o coidado da súa saúde bucodental.
Segundo indica o xerente de Acisa Ribadeo, Jesús Pérez, “vimos de renovar o convenio de colaboración coa empresa asociada Vitaldent (Rexistro sanitario C-27-001013), que ofrece aos asociados e asociadas do noso colectivo empresarial condicións vantaxosas para o coidado da saúde bucodental. O novo convenio, vixente ata o 31 de decembro de 2025, ofrece unha primeira consulta gratuíta, incluída ortopantomografía de diagnóstico a todas as persoas pertencentes o colectivo empresarial e aos seus familiares directos, un desconto dun 15% en todos os tratamentos de implantoloxía e ortodoncia realizados nesta clínica, así como o asesoramento necesario para poder obter o financiamento ata doce meses sen intereses e ata un prazo de 5 anos”.
A presidenta de Acisa, Carmen Cruzado, indicou: “parécenos moi importante remarcar se poderán beneficiar deste acordo todas as persoas pertencentes a Acisa Ribadeo, empresarios e empregados, así como os seus familiares directos, que ademais poderán darse de alta gratuitamente en Mi Vitaldet acudindo á clínica e desfrutar das prestacións gratuítas asociadas o programa. Todas estas vantaxes están suxeitas ás condicións detalladas no convenio firmado no dia de hoxe, que se pode consultar con maior detalle na clínica ou na nosa web www.acisaribadeo.es. Estas ofertas solo poden ser aplicadas na clínica Vitaldent Ribadeo. Indicar tamén que para beneficiarse destas vantaxes o paciente terá que mostrar un certificado emitido por Acisa que o acredite como empregado dun local asociado ou familiar dun empregado”.
Pérez Prada engadiu: “desde Acisa Ribadeo seguimos traballando en acordos que redunden no beneficio das nosas asociadas e asociados, mediante condicións vantaxosas, aforrándolles custes, como neste caso, na saúde bucodental. Sen dubida, esta é unha forma mais de dicirlle ás empresas ribadenses, que ser membro de Acisa ten moitas vantaxes coma esta”.
Para Carmen Cruzado “nos tempos que nos toca vivir formar parte dun colectivo como Acisa, que ten mais de 35 anos, é moi importante. A unión fai a forza para conseguir máis convenios e acordos con empresas privadas, para lograr axudas das institucións públicas e así poder organizar campañas que sexan positivas para os sectores aos que representamos, o que redundará na dinamización da economía local de Ribadeo”.
Asinaron o convenio o director de Vitaldent Ribadeo, Antonio Sánchez García, e a presidenta de Acisa, Carmen Cruzado Iglesias.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
