Néstor Rego realizará unha pregunta oral ao Goberno na Comisión de Industria do Congreso para evitar unha posíbel manobra de desmantelamento industrial, tal e como aconteceu con Alcoa-A Coruña e Avilés
Madrid, 18 de maio de 2025. A O Bloque Nacionalista Galego reclamará ao Goberno do Estado actuacións urxentes que garantan a continuidade da actividade industrial e o mantemento dos postos de traballo na planta de Alcoa en San Cibrao. Faino tras as últimas comunicacións da empresa ao persoal, nas que utiliza como nova escusa o recente apagón eléctrico para sementar incerteza sobre o reinicio da produción e o futuro da factoría.
O deputado do BNG no Congreso, Néstor Rego, preguntará ao executivo do Estado na Comisión de Industria da cámara baixa “que accións iniciará o Goberno para asegurar o mantemento da actividade e do emprego en San Cibrao, ante a recente comunicación de Alcoa aos traballadores e traballadoras en que, utilizando como pretexto o apagón, sementa dúbidas sobre a continuidade da factoría na Mariña, especialmente, despois de que o Ministerio asinou un Memorando de Entendemento secreto coa compañía?”.
Rego critica que Alcoa continúe acumulando pretextos para non cumprir cos compromisos adquiridos, e que o Goberno do Estado manteña unha actitude permisiva e opaca. “É inaceptábel que o Ministerio de Industria actúe como cómplice dunha estratexia que parece encamiñada a fechar a planta, igual que xa aconteceu na Coruña e Avilés. Hai un Memorando de Entendemento asinado entre a empresa, o Ministerio e a Xunta, que non é público e que o comité de empresa descoñece, mais xa se percibe que non garante nin os investimentos previstos nin o futuro da fábrica” denuncia.
O BNG advirte de que a utilización do apagón como escusa para atrasar ou anular o reinicio da produción forma parte dunha manobra deliberada da empresa, que leva anos amagando con fechar e que se aínda non o fixo foi pola presión sindical, social e política. “Como, infelizmente, xa existen os precedentes da Coruña e Avilés, os gobernos deben estar vixiantes para evitar calquera tentativa de desmantelamento” alerta o deputado.
Existen solucións, falta vontade política
A formación nacionalista insiste en que existen alternativas reais para garantir a subministración eléctrica á planta mentres non se materializan os contratos de enerxía a longo prazo (PPAs). “Galiza exporta máis de 40% da electricidade que produce. Hai enerxía suficiente. O que falta é vontade política para obrigar a Alcoa a cumprir” subliña Rego.
O BNG demanda que o executivo obrigue a empresa a realizar os investimentos comprometidos, en especial a construción do forno de ánodos, clave para a continuidade da actividade. Ademais, propón mecanismos como a concesión de créditos reembolsábeis para asegurar que eses investimentos se executen.
A intervención pública debe estar enriba da mesa
Finalmente, Rego lembra que a Sociedad Estatal de Participaciones Industriales (SEPI) debe estar preparada para intervir a planta se Alcoa persiste na súa actitude. “O Goberno non pode seguir de brazos cruzados. Ten que actuar con decisión e poñer os intereses da industria e do emprego por riba dos da multinacional. Se Alcoa non quere producir, que o diga, e que deixe paso a quen si queira facelo. Sempre hai unha opción: a intervención pública” sentenza o deputado nacionalista.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
