Néstor Rego reclama ao Goberno facer público o Memorando de Entendemento asinado entre Xunta, Estado e Alcoa e exixir á empresa que cumpra os compromisos adquiridos cos e coas traballadoras
Madrid, 27 de maio de 2025. Ante o recente anuncio de Alcoa de suspender o reinicio das cubas usando como pretexto o apagón de 29 de abril, o deputado do BNG, Néstor Rego, reclama á Secretaria de Estado de Industria no Congreso unha maior implicación por parte do Goberno do Estado e actuar xa para garantir o mantemento da actividade e os postos de traballo en Alcoa San Cibrao. Néstor Rego exixe a Rebeca Torró dar a coñecer o Memorando de Entendemento (MoU) asinado entre Xunta, Goberno e Alcoa, así como un exixir á empresa que cumpra os compromisos adquiridos cos traballadores e traballadoras, sen renunciar á posibilidade da intervención pública.
“Alcoa é unha planta estratéxica, sendo a única planta de aluminio primario do Estado español que leva varios anos en crise como consecuencia da actuación dunha multinacional norteamericana que non quere continuar coa actividade mais tampouco vender porque non quere ter competencia” destaca o deputado do BNG no Congreso. De facto, en 2021, asinouse un Acordo entre a empresa e os traballadores, polo que Alcoa se comprometía a investir na planta -en especial a construción do forno de ánodos- e mantendo os postos de traballo.
Con todo, a empresa non está a cumprir estes compromisos e recentemente vén de anunciar que suspende o reinicio das cubas usando como pretexto o apagón de 28 de abril. Isto após asinar un Memorando de Entendemento co Goberno do Estado e a Xunta de Galiza en que, até onde se coñece, non se incorporan os investimentos comprometidos, como o forno de ánodos. O deputado nacionalista critica a opacidade deste acordo, xa que non foi trasladado aos traballadores e traballadoras da empresa e tampouco se fixo público.
“A empresa non cumpriu cos traballadores e agora aproveita o apagón para dicir que non van continuar co reinicio das cubas. O Goberno debe reclamar que cumpra” exixe o deputado do BNG no Congreso. Da mesma maneira, Rego demanda ao Goberno do Estado un papel máis activo para reclamar á empresa que inicie os investimentos comprometidos, chave para a continuidade da actividade.
Rego lamenta que a Secretaria de Estado de Industria non respondese ás preguntas e se limitase a sinalar que o Goberno está a traballar para que Alcoa “non marche” da Mariña. O deputado do BNG insiste en que o Goberno debe estar en disposición de proceder á intervención pública da planta, por medio da SEPI, se Alcoa persiste na súa actitude.
Foi cunha visita a unha casa tradicional na Madanela, con demostración do funcionamento dun muíño de auga incluído, e cunha merenda. Foi unha excelente ocasión para que persoas doutras terras que, ou ben están de paso por Ribadeo, ou xa se estableceron na Mariña, puideran coñecer un pouco máis dos nosos costumes, apeiros de labranza, organización do territorio, etc. Como non podía ser menos neste ano dedicado as cantareiras, dedicamos una parte da tardiña a dar vida a cantigas populares, que durante o curso comentaron nas aulas de galego.
Con fotografías das fotoxornalistas Pepa Losada, María Mon Geada e Aida López. Terá lugar este venres 30 de Maio as 20,00 horas.
Un recoñecemento que certifica a calidade ambiental, a accesibilidade e o compromiso coa sustentabilidade dun dos principais recursos turísticos do concello. Esta Senda, que percorre boa parte do litoral naviego, volveu a ser distinguida polo programa Carreiros Azuis de ADEAC (Asociación de Educación Ambiental e do Consumidor).
O percorrido guiado por Ana Pena permitirá aos participantes conectar o camiño do Foxo co paseo litoral visitando os recunchos máis salientables como a curiosa "Tableta de Chocolate", os asentamentos castrexos, os obxectos atopados e a importancia que tivo e ten Cabo Burela. Unha boa oportunidade para coñecer o patrimonio de Burela que ademais estará en festas coincidindo ese día coa confección das alfombras florais. O paseo circular de 4,5 km comezará ás 11:00h. Todo aquel que esté interesado deberá anotarse no 654 99 68 57. A visita ten un custo de 10€ para os maiores e 5€ para os pequenos.
Recibiron diplomas e lotes de libros. Todos participarán na fase provincial. A edil felicitounos e animounos a seguir creando: “grazas a todas e a todos por participar. Anímovos a seguir creando, xa sexa a través da escritura ou do debuxo, xa que vos axudará a medrar como persoas”.
O Xebra! foi inaugurado en 2013 durante as festas patronais. Ano a ano, a axenda da asociación complementou cos seus concertos a programación dos días grandes da vila. Desta volta, o evento chega a unha cifra especial. Celebraranse os doce anos cun cartaz cunha pinchada colectiva das socias e os concertos do dúo punk Pladür e o DJ Signora Anido. A entrada do venres será de 2€ para socias e 3€ para non socias, mentres que a do sábado será de 8 e 10 euros, respectivamente. O local abrirá a partir das 22:30 horas.
Este xoves 29 de maio, ás 20,30h., na Biblioteca Municipal El Viejo Pancho de Ribadeo, a A.C. Francisco Lanza organiza a presentación da novela xuvenil "Cartas na escuridade", de Lois Pérez. Este relato xuvenil levou o premio de Literatura Xuvenil María Victoria Moreno. Teresa González Piñeiroa, profesora de Lingua e Literatura Galegas no IES de Ribadeo Dionisio Gamallo, vai conducir o acto.
