Burela, 5 de maio de 2025. O Concello de Burela celebrará esta fin de semana unha dobre homenaxe ao deporte local, cun recoñecemento especial ao equipo feminino do Burela FS tras a conquista da súa sétima Copa da Raíña.
Tamén se homenaxeará ao equipo masculino de fútbol da SD Burela, que vén de lograr o seu regreso a Preferente 17 anos despois ao longo dunha excelente tempada.
Por unha banda, o venres 9 de maio, no encontro do equipo feminino de fútbol sala contra o CFS Gran Canaria Teledeportivo no Pavillón Vista Alegre, realizarase a recepción e homenaxe oficial ás xogadoras do Burela FS.
A alcaldesa de Burela, Carmela López, transmitiu o seu orgullo e a súa “máis sincera noraboa” pola nova vitoria do equipo. Co acto de homenaxe búscase “destacar o inmenso logro que supón acadar por sétima vez un dos títulos máis prestixiosos do fútbol sala nacional, que é reflexo dun traballo constante día tras día”.
“Este triunfo é posible grazas ao esforzo de moitas persoas: das que están no campo, das que animan cada fin de semana, dos patrocinadores, e tamén de todas e todos os traballadores do club, á directiva e a todas as persoas que dende hai anos sosteñen con ilusión este proxecto deportivo”, sinala o concelleiro de deportes Carlos Méndez Pena. “A cor laranxa é hoxe, máis ca nunca, símbolo de orgullo en Burela”, engadiu.
Por outra banda, a recepción ao equipo masculino da SD Burela será antes do comezo do partido contra a SDC Residencia deste domingo ás 12:00 horas. O Concello organiza este acto para amosar o seu apoio e recoñecemento ao equipo no seu regreso a Preferente.
Esta fin de semana Burela tamén celebrou a vitoria dos veteranos da SD Burela, que se proclamaron campións da Liga de Veteranos División de Honor Lugo Provincial, conseguindo unha praza no Campionato Galego de Veteranos.
“Dende o Concello de Burela convidamos a toda a veciñanza a participar nestes actos e a encher a vila de cor, emoción e orgullo polo noso deporte”, conclúe Carmela López.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
