Daniel García: “Hai produtores con dificultades para afrontar os custos da nova plantación; non imos permitir que o anuncio improvisado da conselleira en Ribadeo quede en papel mollado”
Lourenzá, 17 de maio de 2025. O grupo provincial do BNG reclama á Xunta de Galicia que poña en marcha de xeito inmediato as axudas que comprometeu ás produtoras e produtores de faba para paliar a perda da colleita de 2024.
O deputado e responsable de Rural na Deputación de Lugo Daniel García adiantou que a formación nacionalista levará ao vindeiro pleno provincial unha iniciativa para esixir ao Partido Popular a activación das axudas directas e dos instrumentos de financiamento que anunciou en febreiro en Ribadeo, sumando a proposta ás iniciativas desenvolvidas xa polo BNG desde concellos e no Parlamento de Galicia en defensa dun sector estratéxico para a Mariña.
“Non imos permitir que o anuncio improvisado da conselleira de Medio Rural en Ribadeo quede en papel mollado”, sinalou o deputado provincial que apelou á responsabilidade dos deputados e representantes municipais do Partido Popular nos concellos afectados -Barreiros, Lourenzá, Trabada e Ribadeo, fundamentalmente – para aprobar por unanimidade esta proposta.
O deputado provincial constatou que “hai produtores e produtoras con dificultades para afrontar os custos da nova plantación polo que tiveron que devolver algún pedido, por exemplo das varas que suxeitan as plantas que supoñen, canda a preparación do terreo, un dos principais custes de produción”.
Alén das axudas inmediatas para afrontar o inicio da nova campaña, a moción do BNG reclama á Xunta de Galicia medidas a curto e medio prazo para asegurar a rendabilidade dun sector estratéxico para a Mariña como o impulso de programas de investigación e formación que permitan mitigar os efectos das pragas e das condicións meteorolóxicas, dotando ao Centro de Formación e Experimentación Agraria (CFEA) Pedro Murias de Ribadeo dos recursos necesarios asumir esas tarefas.
A proposta tamén reclama ao goberno do Estado e a Xunta de Galicia un traballo conxunto para incrementar os recursos destinados á faba dentro da PAC para garantir un financiamento máis acorde ás necesidades do sector. Concretamente, a moción avoga pola creación dunha axuda asociada agroambiental por superficie de plantación de faba.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
