Os populares afean a “falta de interese” do bipartito por dar solucións ás familias e ante a resposta da rexedora socialista dubidan que o PAI estea en funcionamento para o vindeiro curso 2025/2026
Vilalba, 7 de maio de 2025. O Partido Popular de Vilalba urxe ao goberno de PSOE e Vilalba Aberta a abrir a inscrición no Punto de Atención á Infancia (PAI) como pedían os populares no último pleno, aínda que as obras non estiveran rematadas, “para ter previsión e facilitar ás familias a atención aos nenos e nenas de menos de 3 anos nalgún centro do municipio e evitar que teñan que buscar alternativas por falta de información ou prazas dispoñibles”.
Máis dunha vintena de nenos e nenas quedaron na lista de agarda da escola de Galiña Azul -segundo as listaxes publicadas este martes 6 de maio- e o goberno municipal “vai tarde un ano máis” en ofrecer solucións ás familias e evitar que “continúen sen saber se van a dispoñer de praza nun dos centros infantís de Vilalba” para o vindeiro curso que lles permita conciliar a vida familiar e laboral.
Os populares consideran “contraditorio” que a alcaldesa asegurara no Pleno que non se pode abrir a inscrición sen ter o regulamento interno de funcionamento aprobado porque “non se pode empezar a casa polo tellado”; xa que “o Concello vén de aprobar o regulamento da piscina exterior cando xa funcionou durante unha temporada enteira”. Dende o Grupo Municipal Popular pregúntanse entón quen empezou, neste caso, a casa polo tellado.
Ante a resposta da señora Rouco, os concelleiros dubidan que o PAI estea en funcionamento para o vindeiro curso 2025/2026 e que, polo tanto, moitos nenos e nenas non dispoñan de praza en Vilalba.
Despois de moitos anos co mesmo problema, os populares din que “a falta de resposta ás familias evidencia un total desinterese do goberno local en materia de conciliación e servizos aos veciños e veciñas”.
É máis, lembran que a alcaldesa reconverteu a iniciativa do Grupo Popular nun rogo “porque non ten intención de ofrecer unha solución nin lle interesaba debater este asunto”.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
