Agora mesmo a meirande parte dos hostaleiros e hostaleiras non puideron adaptarse á nova ordenanza, situándose así nun escenario de indefensión xurídica que podería derivar en sancións
Burela, 29 de maio de 2025. O Grupo Municipal do Partido Popular levará ao vindeiro pleno ordinario unha proposta coa que pretende dar solución á situación de “irregularidade” na que se atopan numerosos locais de hostalería de Burela “como consecuencia da nova ordenanza de terrazas impulsada polo goberno bipartito da señora López Moreno”.
Ata comezos do ano 2024, os establecementos con servizo de terraza contaban cun certo amparo legal ante a inexistencia dunha ordenanza municipal específica. Sen embargo, no primeiro trimestre dese ano, o executivo local aprobou unha normativa polémica que outorgaba unha prórroga dun ano para que os negocios puidesen adaptarse ás novas esixencias.
Transcorrido ese prazo, a meirande parte dos hostaleiros e hostaleiras non puideron adaptarse a dita ordenanza, situándose así nun escenario de indefensión xurídica que podería derivar en sancións.
“O goberno da señora López Moreno non pode seguir mirando para outro lado. Se realmente pensa aplicar a súa ordenanza, terá que comezar a sancionar a numerosos negocios locais que hoxe están en situación irregular pola súa responsabilidade directa”, sinala o voceiro do PP de Burela, Manuel Rouco.
Con esta iniciativa, o Partido Popular de Burela busca restablecer a seguridade xurídica para o sector hostaleiro e evitar un escenario de castigo económico para negocios que levan anos contribuíndo á vida e economía local.
“O noso compromiso é estar ao carón dos veciños e veciñas que loitan cada día por manter os seus negocios abertos. A nosa proposta ofrece unha alternativa razoable e necesaria para que a hostalería de Burela non sexa vítima da inacción e improvisación do goberno bipartito”, conclúe Rouco.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
