O portavoz da formación Modesto Renda instou á “unión sen ambaxes’” de todos os partidos políticos para poñer fin a unha situación que cualificaron de “insostible e totalmente inaceptable”
Vilalba, 19 de Maio de 2024. Vilalba Aberta volve tomar a iniciativa fronte aos recortes de servizos no Centro de Saúde. A formación municipalista, que na pasada lexislatura logrou mobilizar a máis dun centenar de veciños/as para reclamar “un servizo de pediatría digno”, anunciou hoxe que iniciará unha nova campaña de denuncia.
Dende VA, porán de novo o foco da súa crítica no desmantelamento deste servizo, pois tal e como explicou a concelleira da formación Mª Xosé Fernández “os 2 cupos de pediatría seguen sen repoñerse diante das baixas, derivándose a urxencias aos nenos/as e véndose as familias obrigadas a acudir a un especialista privado co custo que iso representa”.
O tempo de espera para conseguir cita co médico/a de cabeceira será outra das liñas da campaña, pois tal e como denunciou a concelleira Mónica González, “chega a superar o mes nalgúns casos”. Neste sentido, explican que de cara ao verán, a xubilación de dous profesionais, que se suma a outra nos primeiros meses do ano, suporá que “máis da metade dos 11 cupos actuais quedarán sen profesional e que as listas de agarda se multipliquen”.
Por último Vilalba Aberta quere facer pedagoxía diante dos veciños/as das consecuencias do “desmantelamento dunha atención especializada como a do servizo de reumatoloxía e o de xinecoloxía”. A este respecto, foi o actual Coordinador da formación Zeus Seijo quen cualificou de “moi grave” que Vilalba perdera estas especialidades como grave é – remarcou – que os veciños/as de Vilalba leven máis de 5 anos sen oculista na pública”.
O portavoz da formación Modesto Renda instou á “unión sen ambaxes’” de todos os partidos políticos para poñer fin a unha situación que cualificaron de “insostible e totalmente inaceptable”.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
