A Consellería do Mar, a través do GALP, dirixiu en 2024 a esta entidade unha axuda económica, dotada con máis de 41.000 euros, que lle permitiu ampliar a cetaria que posúe
Viveiro, 13 de maio de 2025. O conselleiro do Mar, Alfonso Villares, participou na presentación dos novos horizontes empresariais da empresa Burela Quality afincada en Burela e con novas instalacións en Celeiro-Viveiro. Esta entidade empresarial, que leva o mar no seu ADN e que aposta por ofrecer o mellor pescado e marisco, cun compromiso inquebrantable coa calidade, a orixe e a innovación, agora dá un paso máis no seu desenvolvemento empresarial, incluíndo, baixo LaMarca Seafood, a xeración de marisco crioxenizado e tratado coa técnica Ikejime, baseada no tradicional xaponés de sacrificio de peixe que busca minimizar o estrés e trauma do peixe, mellorando así a calidade e o sabor da súa carne.
Alfonso Villares felicitou aos responsables por esta nova iniciativa e por ter esa visión de reinventarse, co fin de medrar, apostando pola innovación e a pesca sostible. Na actualidade xa ofrece unha coidada selección de peixe e marisco fresco procedente directamente das lonxas galegas, con especial protagonismo da costa de Celeiro e Burela, dous dos portos máis recoñecidos do Cantábrico, ademais do litoral asturiano. Dispoñen de cocedoiro propio no que un dos produtos destacados é o polbo. Agora, co seu rebranding, a marca rexuvenécese e adquire unha imaxe máis diferencial, pensada para chegar a mercados internacionais e destacar o seu compromiso coa autenticidade e a sustentabilidade.
O responsable autonómico trasladou o apoio do Goberno galego a este tipo de iniciativas, remarcando con elo o firme compromiso que ten coa cadea mar-industria. Precisamente, neste caso o concreto, o departamento que dirixe Villares, xa dirixiu en 2024, a través do Grupo de Acción Local (GALP) Mariña-Ortegal, unha axuda económica, por valor de máis de 41.000 euros, que lle permitiu a esta firma ampliar a cetaria que posúe. Burela Quality ten unha facturación de ao redor de 1,6 millóns de euros e conta con 5 empregados a tempo completo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
