Trabada, 13 de maio de 2025. O vindeiro 24 de maio, o barrio de Sante acollerá o I Descenso de Carrilanas, un evento organizado pola Asociación de Veciños San Julián de Sante coa colaboración do Concello de Trabada, a Xunta de Galicia e outros colectivos e patrocinadores.
A xornada arrancará coa verificación dos vehículos entre as 11:30 e as 13:00 horas, seguida dunha gran paellada ás 13:30 horas. O descenso das carrilanas comezará ás 16:00 horas, e a entrega de premios está prevista para as 20:40 horas.
Ademais do espectáculo deportivo, haberá un menú completo con paella mixta, pan, bebida e postre, cos seguintes prezos: 18€ para socios e participantes, 20€ para non socios, e menú infantil (ata 6 anos) de balde. As inscricións estarán abertas ata o 21 de maio, a través do teléfono 636 024 263 ou no Teleclub de Sante.
O alcalde de Trabada, Rubén García, destacou que “continuamos desde o Concello colaborando con todas as asociacións, clubs e entidades do municipio, non só para dar apoio loxístico, senón tamén participando activamente na posta a punto do trazado”. Engadiu ademais que “a organización de eventos coma este é fundamental para dinamizar a vida social e cultural do noso concello, e sempre contarán co noso respaldo”.
Este evento que combina deporte, gastronomía e participación veciñal, supón unha nova oportunidade para fomentar o lecer e a convivencia na contorna rural de Trabada.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
