“Plataforma Sanitaria e veciñanza desmontan as mentiras do PP”
Viveiro, 15 de maio de 2025. Numerosísimas persoas acudiron hoxe ao Centro de Saúde de Viveiro para mobilizarse “polo caos sanitario no que está sumido a comarca e nomeadamente a cidade de Viveiro, cun déficit de médicxs de familia próximo ao 50% da súa dotación e o servizo de pediatría tamén á metade desde hai xa demasiado tempo”.
Desde a Plataforma Sanitaria engaden que: “Esta falta de facultativxs orixina que exista unha agarda para atención ordinaria en medicina de familia de vinte días ou incluso máis, cando os tempos para estas consultas non deberían sobrepasar as 48 horas . Os concellos veciños de Ourol e o Vicedo tamén están a atravesar situacións moi difíciles en canto a cobertura facultativa, con moitos días nos que hai ningún/ha médicx no centro de saúde e garantíndose solamente a atención urxente no centro sanitario de cabeceira”. O viveirense Samuel Bouza, integrante da plataforma sanitaria afirma que “o pobo de Viveiro non pode soportar por máis tempo esta falta continuada de persoal facultativo que está a poñer en risco a saúde da veciñanza e provoca sufrimento na poboación”.
A Plataforma Sanitaria presentou, no transcurso da concentración unha folla informativa no que (din) se desmontan as mentiras coas que o PP inunda todos os días os titulares dos xornais e as redes sociais, utilizando as técnicas de repetir mentiras milleiros de veces para que “algo quede”. No panfleto desmíntense falsidades como que “non imos eliminar a área sanitaria “ pouco antes de facer efectivo este espolio ou que a supresión da área sanitaria traería para a Mariña “máis e mellores servizos”, entre outras.
O colectivo sanitario percorrerá os centros sanitarios da comarca informando á poboación
A Plataforma Sanitaria da Mariña anuncia que proximamente comezará tamén a percorrer os centros sanitarios da comarca para achegar esta folla informativa a todas as veciñas e veciños da Mariña. Según comenta a coordinadora da plataforma, Montse Porteiro, “explicaremos e desmontaremos unha por unha todas as mentiras que o PP leva inculcando á sociedade durante demasiados anos; desgraciadamente as e os mariñaos nestes momentos están a comprobar na propia pel que levamos quince anos decíndolle a verdade do que iba pasar”.
,
Esta interiorista ofrece os seus servizos a persoas que senten que a súa vivenda xa non encaixa con elas, que lles gustaría facer cambios pero non saben por onde empezar ou que están a piques de entrar nun domicilio novo e se estresan só de pensar todo o que hai que decidir.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
Na categoría ata 8 anos: 1º Paula Martínez, 6 anos. 2º Samuel Riera, 7 anos. 3º Valentina Blanco (5 anos) e Iara Pruneda (7 anos). Empate. Na categoría de 9 a 11 anos: 1º Lily Fernández, 9 anos. 2º Lily Fernández, 9 anos. Na categoría de 12 a 16 anos: 1º Iria Baltar, 12 anos.
Terá lugar o venres 23 de maio ás 20,00 horas na sala de exposicións de Regalxunqueira – Viveiro. Ademais do autor participarán a Presidenta do Club de prensa de Ferrol, Julia Diaz Sixto e María José Leira Ambrós, bióloga e sobriña da científica. Serviranse uns petiscos.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
