Ribadeo, 18 de xuño, 2025. O alumnado e profesorado participante na XXX Feira da Ciencia, está enormemente agradecido a tódolos visitantes que se acercaron ao IES de Ribadeo Dionisio Gamallo para coñecer os proxectos presentados.
O segundo día, tivo moitas sorpresas e invitados ilustres. Recén aberta a xornada, chegou Don Francisco Díaz-Fierros Viqueira, Catedrático de edafoloxía da USC, científico, escritor e membro da Real Academia Galega. Comezou o percorrido no Cubo infinito de mulleres científicas galegas e enseguida descubriu a cara dedicada a Manuela Barreiro Pico e tamén a da súa profesora, Ángela Ruíz Robles. Non dubidou en xogar co Tubo de Lenz, coa Xaula de Faraday, coa Cuna de Newton, co Taboleiro de Galton, coa Curva Braquistócrona ou co Parafuso de Arquímedes. Escoitou atentamente ás alumnas inventoras do Soláforo, da Aula de refrixeración e da Iguana Espantallo. Despois, o alumnado de 3º ESO explicoulle con maquetas a Hemodiálise, a Mitose, e as Tesoiras xenéticas Crispercas9 que están revolucionado a medicina por permitir a terapia xénica que abre as portas á cura de moitas enfermedades. Tras unha breve entrevista que lle fixo Juana Carrera para a COPE, Díaz Fierros rematou o percorrido visitando ao alumnado de 1º Bacharelato que ademáis de identificar os grupos sanguíneo e diseccionar o ollo de vaca, contáronlle que no II Bioblitz realizado polo entorno do instituto atoparon moitos exemplares da bolboreta Cardera que realiza unha migración de 15000km dende terras africanas ata o Ártico. Tamén se interesou polo niño da Vespa velutina e polas trampas que o alumnado de 1º eso fai ano tras ano para loitar contra elas. Rematou a visita escoitando as curiosidades do Peixe globo que ó sentirse atacado, ínchase de aire ou auga ata converterse nunha bola espiñenta intragable e non dubidou en felicitar a tódolos participantes na XXX Feira da Ciencia.
Numeroso alumnado, familias, persoal non decente e profesorado estiveron presentes.
Algúns, xa xubilados como é o caso de Teresa Díaz e María Torres que tamén axudaron nunhas cantas edicións, Roberto Rodríguez, fiel colaborador co centro e Antonio Gregorio promotor da I Feira da Ciencia e que tirou moito do carro ata a XXIV edición. Pero non remataron aí as sorpresas porque ao final da mañá apareceu Francisco Canosa, doutor en xeoloxía e gran divulgador e finalmente Javier Suárez, exinspector do centro que tras escoitar o traballo da disección e funcionamento do ollo, explicou con todo detalle as intervencións ás que tivo que someterse por un problema de vista.
Finalmente Antonio Gregorio, Roberto Rodríguez, Javier Suárez fixeron o acto de clausura. Felicitaron ó alumnado e profesorado implicado: Beatriz González, Noelia González Rejo, Andrés Rodríguez, Javier Rodríguez, Jorge María Ron, Modesto Refojo e Susi Besteiro, organizadora do evento. Entre todos fixeron posible a celebración da XXX Feira da Ciencia e manteñen vivo o obxectivo de que o alumnado sexa o protagonista.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
