Lugo, 11 de xuño 2025. O asociacionismo mariñao vinculado á música tradicional protagoniza o segundo episodio de Folcast, impulsada pola Vicepresidencia da Deputación de Lugo.
Xa dispoñible en Spotify, a nova entrega desta serie de podcast artéllase arredor das Xornadas Etnográficas da Mariña, que veñen de celebrarse en San Miguel de Reinante, Barreiros,da man da asociación Tecedeira, impulsada por Sara García de Ourol e Xacobo Ares de Ribadeo.
O Arco da Vella, asociación folclórica de Reinante fai este ano 45 anos de actividade, polo que se inclúe tamén unha entrevista con Quique Penabad, un dos seus fundadores, e Iria Penabad, da segunda xeración da asociación ademais de integrante das Adufeiras de Salitre. Tamén se inclúe unha entrevista con integrantes do grupo Tumba e Dálle, vinculado ao Arco da Vella e outras asociacións mariñás.
As entrevistas complétanse con Xiana Teixeiro, etnomusicóloga de Foz que presentou durante as xornadas un traballo sobre as comparsas mindonienses Os Veiga e Os Pacheco, e tamén coas intervencións de Ana Ermida, alcaldesa de Barreiros, e Dani García, concelleiro en Barreiros e responsable de Mocidade da Deputación de Lugo.
Interveñen tamén Tania Fernández do grupo A Chocolateira da Pontenova e Manuel Rodríguez Calviño, arqueólogo e investigador do téxtil na Galiza e comisario da exposición “Tecedeiras”, presente tamén nas xornadas.
Os episodios desta serie de podcast, imaxinada por Branca Villares e Xosé Gago, están dispoñibles en Spotify, onde xa se pode atopar esta entrega dedicada á Mariña. Nos próximos días iranse pendurando “anacos” do programa e algún contido extra.
Folcast é unha serie de podcast promovida pola Vicepresidencia da Deputación de Lugo en que se percorre a provincia amosando a través de entrevistas diversos trazos da oralidade e a tradición musical
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
