Dous bandos municipais regulan a limpeza de fincas urbanas e a correcta xestión do lixo durante a época estival
Burela, 30 de xuño de 2025. Co obxectivo de garantir a salubridade, a seguridade e o bo estado do espazo público durante a tempada estival, o Concello de Burela vén de emitir dous bandos nos que se lembran as obrigas legais e se fan recomendacións á veciñanza e ás persoas visitantes sobre a correcta xestión dos residuos e o mantemento de parcelas no termo municipal.
Durante o verán, o incremento de visitantes tradúcese tamén nun maior volume de lixo nas rúas, o que, unido ás altas temperaturas, pode xerar cheiros desagradables e problemas de hixiene. Neste contexto, o Concello fai un chamamento ao civismo e á responsabilidade individual para manter a vila limpa, respectando as normas vixentes e aplicando prácticas adecuadas no día a día.
Mantemento e limpeza obrigatoria das parcelas urbanas e urbanizables
Un dos bandos emitidos céntrase na regulación da limpeza e conservación das parcelas de solo urbano ou urbanizable. A alcaldesa lembra que as persoas propietarias destes terreos están obrigadas a mantelos libres de residuos, en condicións axeitadas de salubridade, hixiene, accesibilidade e ornato público. Isto implica realizar labores de limpeza e rozado da vexetación, evitando que a maleza invada a vía pública ou que poida supoñer un risco de incendio, inundación ou outros danos.
Así mesmo, deben retirarse determinadas especies arbóreas sinaladas pola lexislación autonómica como perigosas para a prevención de incendios forestais, entre as que se atopan o eucalipto, diversas variedades de piñeiro, acacias, toxos ou silvas. Antes de levar a cabo calquera actuación deste tipo, é preciso presentar unha comunicación previa no Concello e en casos de terreos suxeitos a réximes especiais de protección será necesaria tamén a obtención de autorizacións específicas das administracións competentes.
No caso de non cumprir con estas obrigas, o Concello poderá iniciar procedementos administrativos que inclúan a emisión de ordes de execución ou a imposición de multas coercitivas, e mesmo executar de forma subsidiaria os traballos, a conta da persoa propietaria. Ademais, poderán aplicarse sancións económicas que oscilan entre os 300 e os 6.000 euros, dependendo da gravidade da infracción.
Normas de vertido de lixo e uso correcto dos contedores
O segundo bando céntrase na regulación dos vertidos de lixo e na correcta utilización dos contedores e do punto limpo municipal, destacando a importancia de seguir boas prácticas na xestión dos residuos para evitar o deterioro da imaxe da vila e contribuír ao benestar común. Lémbrase que está totalmente prohibido deixar lixo fóra dos contedores, abandonalo na vía pública ou empregar as papeleiras para residuos voluminosos.
As bolsas deben estar sempre pechadas e depositadas no interior dos contedores específicos para cada tipo de residuo e no caso da hostalería, recoméndase que as bolsas sexan dobres, para evitar a rotura e a dispersión dos refugallos. Está expresamente desaconsellado tirar lixo directamente sen bolsa, así como deixalo no chan, xa que isto facilita que as gaviotas e outros animais espallen os residuos.
Indícase tamén que o horario permitido para sacar o lixo doméstico é entre as oito da tarde e a medianoite. Tendo en conta que os sábados non hai servizo de recollida, xa que a planta permanece pechada, pídese expresamente á cidadanía que non saque o lixo ese día, senón o domingo pola noite, garantindo así unha mellor xestión e evitando situacións de insalubridade.
Os residuos de gran volume, como mobles ou electrodomésticos, non deben deixarse nos contedores e deben ser trasladados ou notificados ao punto limpo, mediante o teléfono habilitado para tal fin. O punto limpo ten un horario de apertura de luns a venres pola tarde e os sábados pola mañá; ademais, existe un punto limpo móbil que opera en distintas localizacións da vila segundo calendario mensual.
Lémbrase que o incumprimento das normas relativas á xestión de residuos pode derivar en sancións de entre 100 e 3.000 euros, segundo a gravidade da infracción. Por outra banda, anímase á cidadanía a colaborar denunciando comportamentos incívicos ou vertidos ilegais. As denuncias poden realizarse de forma presencial ou por escrito, e deben incluír os datos necesarios para que os servizos municipais poidan realizar as comprobacións pertinentes.
O Concello tamén lembra que os propietarios de animais son os responsables directos da suciedade ocasionada polas mascotas na vía pública. En caso de que un animal defeque na rúa, a persoa que o conduza debe recoller e limpar a zona afectada, empregando bolsas que debe levar consigo de forma obrigatoria. A inobservancia destas obrigas pode derivar tamén en sancións e actuacións por parte da autoridade municipal.
Como medida adicional, o Concello reforzará durante os meses de verán a capacidade dos contedores situados nas zonas con maior acumulación de lixo, para evitar desbordamentos e malos cheiros.
Dende o Concello insisten na importancia do civismo e do respecto ao espazo común como base dunha convivencia responsable, sendo clave para manter Burela limpa, segura e acolledora para veciños e visitantes.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
