Xove, 30 de xuño de 2025. A Agrupación Socialista de Xove cualifica como tardía, insuficiente e electoralista a proposta do Goberno local do Partido Popular para recalificar o solo no Barrio de Pedride, unha franxa situada entre a Urbanización Palmeiro e o centro urbano de Xove. A medida chega tras máis dunha década de bloqueo por parte do propio alcalde, Demetrio Salgueiro, quen mantivo paralizado o desenvolvemento urbanístico deste espazo a pesar de contar con todos os servizos necesarios.
Os socialistas lembran que foi o propio Salgueiro quen aprobou en 2012 un PXOM que impedía construír vivendas unifamiliares nesta zona, malia que xa nos anos 90 se dotara de infraestruturas básicas cunha clara intención de unir e cohesionar os núcleos de Xove e Palmeiro. “Nunca é tarde para rectificar”, apuntan desde o PSdeG, “pero resulta evidente que esta proposta responde máis ao calendario electoral que a unha verdadeira planificación a longo prazo”.
Desde o Grupo Municipal Socialista tamén se denuncia a renuncia do Goberno municipal do PP a dous accesos clave previstos no proxecto da vía de alta capacidade: un fronte ao campo de fútbol -que daría servizo á Urbanización Palmeiro, á parroquia da Rigueira e á zona sur do municipio-; e outro fronte ao Polígono Industrial de Camba. “Foi o equipo de Salgueiro quen aceptou anular eses enlaces a cambio dun único acceso intermedio na zona de Parceiros, deixando a vila de Xove e a súa contorna máis inmediata totalmente illadas”, subliñan.
Para o PSdeG-PSOE de Xove, esta nova recalificación é un simple parche dentro dunha política urbanística sen dirección: “en dezaoito anos de Goberno do PP non se fixo nada por favorecer a construción de vivenda, nin nos centros urbanos, nin nas parroquias e agora pretenden tapar a súa inacción con medidas improvisadas”.
A agrupación socialista conclúe advertindo que “Xove non pode seguir perdendo oportunidades por culpa da falta de proxecto do Partido Popular. É necesario un modelo de vila pensada para medrar, para atraer poboación e actividade económica, e iso só será posible cun cambio real na forma de gobernar e de planificar o futuro”.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
