Xove, 14 de xuño de 2025. O PSdeG-PSOE de Xove presentará no vindeiro pleno novos rogos e preguntas centrados nas principais demandas da veciñanza, que abarcan desde a sanidade e os servizos públicos ata a infraestrutura urbana e a situación das praias. Os socialistas insisten na falta de resposta e planificación do Goberno municipal do PP ante cuestións urxentes para o benestar do municipio.
Servizo médico en retroceso: menos médicos e pediatría precaria
A agrupación socialista levará ao pleno un rogo para instar ao goberno local a que esixa á Xunta de Galicia a cobertura inmediata das prazas de médicos de cabeceira que quedaron vacantes no centro de saúde do municipio. “Actualmente, só hai unha médica a maior parte dos días, cando hai poucos anos Xove contaba con tres facultativos”, afirman.
Así mesmo, sinalan que o servizo de pediatría é claramente insuficiente, ao ofrecer só atención tres días á semana e unicamente ata as 10:30h. “Logo pregúntanse por que baixa a natalidade”, engaden.
Melloras pendentes na Urbanización Palmeiro
Nun segundo rogo, o grupo socialista solicitará ao executivo local a mellora urxente de infraestruturas básicas na urbanización Palmeiro, incluíndo a instalación de farolas en accesos e zonas escuras, a reparación dun muro en mal estado e a creación dunha beirarrúa para evitar que os peóns teñan que ir pola estrada.
Vivenda no rural: un reto pendente para frear o despoboamento
O PSdeG preguntará ao goberno local que plans existen para mellorar o acceso á vivenda, tanto en promoción pública como privada, e que medidas se están a impulsar para fomentar a construción e rehabilitación de vivendas no rural. “É un aspecto clave para fixar poboación e darlle vida ás parroquias”, apuntan desde o PSdeG.
“A día de hoxe, non se coñecen iniciativas concretas por parte do executivo local para facer fronte á perda de habitantes nas zonas máis despoboadas do Concello”, declaran. Os socialistas consideran que a falta de planificación urbanística e de incentivos claros para a vivenda no rural é unha oportunidade perdida para o futuro de Xove.
Fontes públicas en mal estado e sen mantemento
Outra das preguntas rexistradas céntrase no abandono das fontes públicas do Concello. A formación socialista reclama unha planificación clara de mantemento, limpeza e posta en valor destes elementos patrimoniais e de uso público, que actualmente presentan un aspecto de desleixo nalgúns puntos do municipio.
Centro de Día: unha promesa que segue sen cumprirse
O grupo socialista tamén pedirá explicacións sobre a situación do Centro de Día para persoas maiores, un servizo esencial para moitas familias que leva anos anunciado e segue sen funcionar. “As cousas de palacio van despacio, pero aquí xa non se move nin unha pedra”.
Un goberno ausente ante os problemas reais
Desde o PSdeG lamentan que “o goberno local siga instalado na inacción mentres os problemas medran. A veciñanza precisa un concello que funcione, que planifique e que se tome en serio o día a día de Xove”, conclúen.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
