“Polos Pacientes da Mariña”, a resposta da Xunta de Persoal do Hospital ao Xerente da Área Sanitaria: a asistencia non está totalmente garantida, cos mesmos especialistas e cos mesmos tratamentos

Burela, 5 de maio de 2025. A Xunta de Persoal do Hospital da Mariña explica que O SERGAS continúa “vendendo” os reforzos dos últimos días, que son só froito das concentracións diarias, e non son a solución.

“Citáronse masivamente primeiras consultas de doentes fundamentalmente de Cardioloxía. Primeiras consultas que engrosan as listas de agarda de revisións, as cales continúan a ser inaceptables”, engaden.

“No caso de Medicina Interna no mes de maio enviouse á planta de hospitalización un facultativo especialista e dous residentes en formación. Iso permitiu a citación de varias consultas diarias por parte do persoal do centro. Os datos das primeiras consultas que renderá o SERGAS en xuño ben seguro serán mellores que as de Decembro. Os datos das revisións?? Continuaremos agardando por elas”, sinalan.

“Dos 17 profesionais que terían que incorporarse por procesos de oposición iniciados no 2022 (non como contratacións extras nin moito menos) inda non se sabe nada. Os procesos siguen sen resolverse”, aclaran.

As medidas claramente insuficientes e que son parches deficitarios son unha resposta á mobilización social de profesionais e doentes que durante case 40 días estivemos visibilizando a situación.

ROBOT DA VINCI

“Na cirurxía robótica estanse acreditando os profesionais da Mariña para operar aquí ós seus pacientes», en relación a la técnica y robot Da Vinci, en la que Burela ya está integrada”, afirma Ramón Ares,

“O esforzo facémolo as profesionais e profesionais indo alí, ademais levamos meses esperando pola acreditación, que segundo a representate do robot, falta unha firma do SERGAS que nunca chega”, aclaran.

Dende o colectivo afirman que “non hai integración e que a dispoñibilidade do robot é dun día ao mes”.

A Xerencia falta á verdade

“É por iso que temos que continuar loitando sen descanso para que a Consellería ofreza solucións reais e contundentes”, reafirman dende o colectivo.

Fan un chamamento masivo a profesionais e doentes a participa na macroconcentración do 12 de xuño ás oito da tardeno Hospital da Marña.

“A nosa saúde está en xogo e debemos defendela”, conclúen.