Ribadeo, 12 de xuño de 2025. Ribadeo aposta polo turismo de congresos. A vila é escenario dunha intensa actividade estes días no IES Dionisio Gamallo, no centro Pedro Murias e no Salón dos Alcaldes do Concello. O alcalde, Dani Vega, subliñou que o equipo de goberno segue a traballar na desestacionalización turística.
O rexedor contou que “Ribadeo está acollendo moita actividade. Desde que chegamos ao goberno sempre falamos de que era moi interesante celebrar congresos, é dicir, especializarse no turismo de congresos, xa que iso resulta moi atractivo, fala de turismo desestacionalizado e traballamos nesa liña. No día de onte celebráronse dúas actividades importantes. Tivo lugar unha xornada de portas abertas para analizar, para debater sobre o sector primario, sobre a agroganadería ecolóxica convencional, o sector forestal, é dicir toda a formación que se está a desenvolverse en Pedro Murías. Esa actividade tamén concluíu cunha degustación de produtos IXP. Eu creo que é moi importante poñer en valor os produtos de calidade, os produtos de proximidade, os produtos de indicacións xeográficas protexidas, e Pedro Murías está sendo todo un referente. Felicitar á dirección do centro, felicitar todo ese traballo que se está facendo por parte do profesorado, nós vamos seguir nesa liña de colaboración”.
Vega seguiu a relatar: “tamén no dia de onte acollemos unha actividade que tiveron a Universidade de Santiago de Compostela, a Xunta de Galicia, concretamente o ISSGA, onde quixeron analizar, seguir dando pasos, nos traballos que hai que facer na prevención dos riscos laborais. E aquí é moi importante falar de todos eses mecanismos que ten a investigación para mellorar todos os parámetros dentro da xornada laboral e seguir dando pasos na prevención dos riscos laborais. É un congreso tamén de investigación e de formación da Universidade de Santiago. Creo que esas dúas actividades, traballamos nesa liña conxuntamente coa Xunta de Galicia e tamén neste caso coa Universidade de Santiago para acoller eventos que van unidos a sectores estratéxicos dende a formación e dende a investigación”.
O alcalde engadiu: “tamén queremos resaltar a feira da ciencia que celebrou o Instituto Dionisio Gamallo Fierros. Creo que hai que felicitar todo a unha historia de traballo conxunto Susi, Antonio Gregorio, a todos eses profesores que, dunha forma directa ou indirecta, están levantando a bandeira da investigación, da creación e da formación, e desde logo desde o Concello seguimos colaborando con eles. Indicar que a Xunta fixo posible tamén que todos os centros se uniran e cada un fora co seu grupo investigador e explicarnos, explicarvos a todos os ribadenses o traballo que realizaron. Estamos centrados tamén na formación, na formación profesional, na investigación, en activar este tipo de formación para que Ribadeo estea nesa estratexia común, que é focalizar tamén que o emprego nace da formación e é fundamental para que un pobo avance”.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
