O voceiro popular afirma que hoxe Tomé recibiu unha das peores derrotas nun pleno provincial; anunciou unha iniciativa contra a presidenta provincial do PP e non so perdeu a votación senón que evidenciou a súa soidade na provincia e no partido: “ten que ser difícil que despois de 6 anos como presidente da Deputación mire atrás e vexa só a súa sombra; está so, non o segue ninguén no seu partido”
Lugo, 29 de xullo de 2025. Os deputados do Grupo Provincial Popular confirmaron hoxe que José Tomé “seguirá o manual de Pedro Sánchez” ante a posibilidade de ter coñecemento da comisión dun suposto delito ao negarse o presidente da Deputación e secretario xeral dos socialistas lucenses na provincia a responder á pregunta de “se poría en mans da xustiza a comisión dun presunto delito ou asubiaría e miraría cara outro lado”.
O voceiro provincial popular, Antonio Ameijide, sinala que “ninguén pode entender o que pedía hoxe José Tomé” que Elena Candia dimitise “por cumprir coa obriga que temos todas as persoas, poñer en coñecemento da Fiscalía uns feitos supostamente ilícitos” para que logo “se a Fiscalía o consideraba oportuno, iniciar unha investigación”.
Neste contexto, cómpre recordar que a Fiscalía iniciou as investigacións oportunas porque considerou que “os feitos que se puxeron no seu coñecemento si que poderían ser un delito”.
Por iso mesmo, Ameijide preguntou durante o pleno a Tomé “que faría o presidente da Deputación nesa situación, se acudiría á Fiscalía ou, pola contra, asubiaría e miraría cara outro lado”. “José Tomé miraría cara outro lado seguindo o manual de estilo de Pedro Sánchez á fronte do Goberno de España e do PSOE nacional”, afirmou.
Incluso, Antonio Ameijide afirmou que “eu mesmo, e os meus compañeiros, na mesma situación que Elena Candia, faría o mesmo” porque “calquera persoa, pero sobre todo nós coma políticos temos que dar exemplo e se somos coñecedores dun presunto delito, temos a obriga de facilitar toda a documentación á fiscalía” para que logo os profesionais da xustiza sexan os que decidan se se abre unha investigación ou non.
“A SOIDADE DE JOSÉ TOMÉ”
Antonio Ameijide recordou o anuncio realizado por José Tomé en xuño cando dixo que “esta petición de dimisión se levaría a todos os concellos da provincia” e a única realidade é que “ninguén no PSOE provincial lle seguiu o ordenado polo secretario xeral provincial” xa que “unicamente se defendeu a moción na Deputación e no Concello de Monforte, no resto de plenos municipais non se debateu en ningún”.
“Nin sequera os alcaldes socialistas que forman parte do Grupo Provincial Socialista na Deputación rexistraron a iniciativa nos seus concellos. Un novo fracaso de José Tomé”, sentenciou, en referencia a que Tomé fixo ese anuncio acompañado do alcalde de Lugo e deputado provincial, Miguel Fernández, (ademais doutros cargos do PSOE) “e nin o alcalde rexistrou a iniciativa no Concello de Lugo”.
Unha soidade que se reflectiu en que a moción foi denegada polo pleno xa que “nin os seus socios de goberno do BNG quixeron apoiar a moción”. A iniciativa rexeitouse con 12 votos en contra do PP, 10 a favor do BNG e 3 abstencións do BNG.
“AO PSOE SÓ LLE INTERESA A FISCALÍA PARA FILTAR INFORMACIÓN”
Antonio Ameijide afeou ao PSOE que “só lle interesa a Fiscalía “cando se trata de utilizala para filtrar información á prensa e así atacar aos rivais políticos, pero cando se trata de poñer en coñecemento da fiscalía presuntos delitos cometidos por membros do Partido Socialista, xa non lles fai tanta graza”.
Neste senso, o voceiro popular sinalou que “se cadra no Partido Socialista ven normal ter coñecemento de delitos á fronte dos gobernos e das institucións e mirar para outro lado, calar e dicir “aquí non pasa nada””.
“Aquí a única realidade é que José Tomé quere condenar publicamente, con acusacións infundadas, a unha persoa como Elena Candia, que o único que fixo foi poñer en coñecemento da xustiza, uns presuntos delitos, é dicir, cumprir co seu deber como política pero, sobre todo, como persoa”, sentenciou.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
