Ribadeo, 20 de xullo de 2025. Ribadeo celebrou onte, sábado, a vixésimo oitava edición do Festival de Bandas organizado pola asociación ribadense Amadores da Música. Participaron a Xove Banda de Narón e a Banda de Música Municipal de Ribadeo, que primeiro fixeron un pasacalles desde diante do Teatro ata o Campo de San Francisco e despois actuaron no auditorio municipal Hernán Naval.
A formación de Narón, dirixida por Francisco San Ramón Calvo, interpretou O Chopo, pasodobre de Manuel Iglesias Domínguez; My way, de J. Revaux e C. François con arranxos de Noahiro Iwai; La, La, Land, de Justin Hurwitz con arranxos de Michael Brown; Viva la vida, de Guy Berryman con arranxos de Tim Waters; Abba Gold, arranxada por Ron Sebregts; e How to train your dragon, de John Powell con arranxos de Sean O´Loughlin.
E a banda ribadense, coa dirección de David Ballester Martínez, tocou Monterosi, de Jacob de Haan; Orion, de Jan van der Roost; Fanatic winds, de Thomas Doss; The lord of the rings. Extractos da sinfonía número 1, de
Johan de Meij con arranxos de Paul Lavender; e The Rolling Stons on tour, arranxada por Patrick Roszell.
O festival rematou con intercambio de agasallos entre a directiva de Amadores da Música, de Ribadeo, e a Asociación Cultural Musical Sementeira, de Narón, responsable da banda que participou onte no festival ribadense.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
