Foz, 31 de xullo de 2025. O Concello de Foz presenta o cartel das festas do San Lourenzo e un mes de agosto repleto de actividades.
“Chega agosto e con el continúan as actividades en Foz. O verán é para vivilo e en Foz temos actividades para todos os gustos, para que todo o mundo poda disfrutar da natureza, do mar, da nosa gastronomía, cultura e deporte”, explica o alcalde, Fran Cajoto.
“Este mes de agosto está cargado de actividade, dende as festas do Carme de Nois ou a festa hawaiana ata a Festa Normanda, e como punto focal as festas do San Lourenzo”, indica Inés López Couto, concelleira de Cultura. “Foz é un pobo onde sempre hai unha actividade para pasar o tempo. O teatro continúa acompañándonos todos os martes no Campo da Cabana, o Festival Bal y Gay e a Feira do libro protagonizan a metade do mes e non podemos olvidarnos de actividades tan interesantes coma poder xogar no Interactive Supergrid, coa praia da Rapadoira como fondo”, continúa a concelleira.
Tamén serán protagonistas as actividades deportivas, xa que “as Noites Alternativas chegan á Rapadoira co fútbol e volei praia”, explica o concelleiro de Deportes e Xuventude, Ángel Fernández Neira. “Sen esquecernos das actividades que continuarán no Campo da Cabana, coma o 3×3 de basket ou o wipe out, e na praia de Tupide a sempre divertida Festa Acuática”.
As festas do San Lourenzo, declaradas de interese turístico galego, serán o punto máis intenso do mes de agosto de Foz. As verbenas darán comezo o día 8 co pregón, que será a cargo de Juan Carlos Fernández Pulpeiro, xornalista e escritor galego (nado en Foz) e que foi xefe do servizo de prensa, comunicación e protocolo da Deputación Provincial de Lugo. O pregón será na praza Rosalía de Castro ás 20.30 horas e a continuación será o grupo Toxo Guayaba o encargado de dar comezo á música nas festas. A partir das 22.30 horas na explanada portuaria será tempo para a orquestra Salsarena (no seu décimo aniversario) e a disco móbil Infinity. O día 9 ás 12.00 horas no Estadio Martínez Otero chega o XXXVI Trofeo Vila de Foz cos equipos Cultural Leonesa e CD Lugo. Ás 14.00 horas haberá sesión vermú na explanada portuaria coa orquestra Suavecito e pola noite a partir das 22.30 horas Suavecito estará acompañada do Grupo Clan Zero. O domingo 10 é o día grande de San Lourenzo. Ás 12.00 horas celebrarase misa solemne e procesión con A Subela, a partir das 14.00 horas sesión vermú na explanada portuaria coa orquestra Sinfonía, e pola noite a partir das 21.00 horas o Grupo Nostalgia, de Vigo, actuará na Praza Conde de Fontao. Ás 23.59 horas haberá os tradicionais fogos de artificio no paseo de Laredo e a continuación verbena con Sinfonía e Costa Dorada. E para finalizar o luns 11 a partir das 22.30 horas será o grupo Arizona o que peche o San Lourenzo 2025.
A foto do cartel das festas de San Lourenzo é do arquivo municipal, fondo de Foto Celta, recuperada por Vicente Fernández Muñiz.
O alcalde convida a “vivir Foz e desfrútalo. No noso maxín están os fogos de artificio do San Lourenzo, que para min representan o verán da Mariña. Desexámoslles a veciños e visitantes unhas boas festas e un magnífico verán”.
Todas as actividades coas súas datas e horarios poderán ser consultadas na web do Concello de Foz e tamén nas súas redes sociais e nos distintos departamentos municipais.
Será a primeira vez que un grupo amateur formado por nenos e nenas das actividades extraescolares municipais actúe no marco da Mostra. O espectáculo representarase o sábado, 2 de agosto, no Auditorio Municipal ás 12:00 horas, con entrada libre ata completar aforo.
Será o martes, 6 de agosto ás 18:30 h. Nesta ocasión, a relatora Ana Filgueiras, arqueóloga e antropóloga, falará sobre estas construcións tradicionais galegas que, alén do seu uso agrícola, agochan significados simbólicos e culturais de gran valor. Filgueiras colabora con universidades e institucións na investigación e difusión do patrimonio inmaterial en Galicia, Portugal, Francia e Suíza. O seu traballo céntrase especialmente nas tradicións, os nomes de lugar e as antigas demarcacións territoriais.
A alcaldesa Dolores García Caramés estivo este xoves compartindo un fermoso momento coas persoas usuarias do Centro de Día Residencia, con motivo da celebración do Día dos Avós. Unha xornada chea de agarimo, recoñecemeento e gratitude cara aos nosos maiores, piares fundamentais da nosa sociedade.
E ademais unha noite musical con variedade de estilos que deleitaran a todo o público que se achegue a este prometedor serán de lecer continuando cunha noite de estrelas na cidade das mil historias que vivir. Emilio Rúa actuará na Pza do Concello ás 20h. Hugo Torreiro e Carlos Bau na terraza do Petisco/Porriño a partir das 20.30; e por último na Terraza do Rincón, Viti Gutier ás 23 horas.
As crianzas da escola infantil municipal de Cervo acompañadas das súas familias e do persoal do centro, gozaron dunha xornada inesquecible en contacto coa natureza. Montaron a cabalo, plantaron, fixeron pan, visitaron aos animais da granxa (galiñas, coellos, cabras…) e mesmo os alimentaron. Para rematar, compartiron un delicioso picnic todos/as xuntos/as. Un día cheo de aprendizaxes, convivencia e moita alegría, onde crianzas e familias compartiron experiencias e reforzaron os lazos da nosa comunidade educativa.
Será este venres de 12:30 a 14:00 horas e de 16:00 a 20:00 horas no Peirao de San Cibrao con inscrición no mesmo sitio.
