Lugo, 29 de xullo, 2025. O BNG denunciou o “plan de parcheo ” e a xestión partidista dos recursos humanos de atención primaria por parte da Xunta de Galicia no pleno deste martes, no que se aprobou unha proposta do goberno provincial para reclamar ao goberno galego a cobertura das prazas vacantes e das vacacions de profesionais sanitarios este verán.
A portavoz do grupo provincial Iria Castro incidiu na carencia de profesionais de medicina familiar e pediatría en centros de saúde por toda a provincia, poñendo en evidencia a insuficiencia do plan no que, dixo, recurren de novo “á precarización de residentes que exercen sen instrucións claras sobre quen fará a supervisión” e “á prolongación voluntaria da xornada”. “Piden voluntarios? Están organizando un festival ou están ao cargo da sanidade pública de toda Galiza?”, cuestionou a deputada.
“Mirando os datos deste plan de parcheo do verán 2025 para a provincia, hai 15 médicos MIR e un pediatra para substitucións e cobertura de vacacións en toda a provincia. Pois miren necesitamos máis, porque non chega para os consultorios de Parga, Doiras e Castro de Rei nin para os centros de saúde de Cervo, San Cibrao, Xove, Trabada, Ribadeo, Viveiro, O Vicedo, A Pontenova, onde se suman prazas sen cubrir e vacacións dos profesionais nuns meses en que aumenta a poboación, nin para Baleira ou Portomarín,…”, enumerou.
A deputada fixo fincapé no servizo de pediatría, denunciando, ademais da escaseza de persoal, a xestión partidista dos recursos humanos por parte da Xunta de Galicia, que figuran resolver falta de persoal en reunións bilaterais con alcaldes do Partido Popular.“Vostedes falan de igualdade neste pleno, pero tampouco teñen pediatra as nenas e nenos de Castroverde, nin as de Becerreá. Hai nenas e nenos sen pediatra en toda a provincia. Donde está a igualdade? Son nenas e nenos de segunda, de terceira?”
Iri Castro concluíu sinalando que a situación da sanidade pública responde á estratexia do Partido Popular de favorecer á sanidade privada, “ 12,5 millóns de euros para este plan de verán pero 20 millóns de euros para concertos coa sanidade privada. Esa é a prioridade do Partido Popular”, concluíu.
Reforzo do control da avespiña do castiñeiro e axudas directas ao sector
O BNG sacou adiante no pleno provincial unha moción que reclama a Xunta de Galicia o reforzamento e a actualización das medidas de control da avespiña do castiñeiro tras “o incremento desta praga nos Ancares, Courel e Fonsagrada, que está alertando á veciñanza local e ao sector”
O deputado Daniel García reclamou ao goberno galego reforzar as medidas de control da avespiña e trasladar ás propietarias e propietarios información sobre as actuacións que favorecen a loita biolóxica contra esta praga.
Ademais, o nacionalista demandou á Xunta de Galicia “o mantemento das axudas directas ás produtoras de castañas, que se convocaron na anualidade 2024 pero das que non temos noticia en 2025”.
Regulación das plantas de biogás
No pleno provincial aprobouse tamén a instancias do BNG unha moción na que se reclama á Xunta de Galicia unha regulación que garanta a protección dos núcleos de poboación e do medio natural fronte á instalación de plantas de biometano, que evite situacións como a que tivo que afrontar a veciñanza de Coeses, en Lugo.
Na proposta, a formación nacionalista sinala a necesidade de fixar distancias mínimas entre as plantas e núcleos de poboación ou vivendas habitadas e de acoutar a distancia desde a que poderían trasladarse os residuos.
O deputado Efrén Castro sinalou que “a falta de regulación específica é unha lagoa normativa” e reclamou á Xunta que “poña as ferramentas normativas para minimizar os efectos adversos destas plantas e aproveitar o potencial do biogás sen macroproxectos que prexudiquen á veciñanza e ao medio natural. A elección da localización non pode depender dos intereses das empresas”, concluíu.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
