POSTS – CONCELLO DE VIVEIRO – 266
Viveiro, 22 de xullo de 2025. O Concello de Viveiro presentou esta mañá na Oficina de Turismo a súa nova revista turística, unha publicación que reúne información actualizada sobre os principais recursos turísticos do municipio, así como unha sección destacada con novas rutas de sendeirismo pensadas para descubrir a riqueza natural e cultural da contorna.
No acto participaron a alcaldesa de Viveiro, Mariña Gueimunde; a técnica de Turismo do Concello, e Horacio Albo, responsable do deseño das novas rutas, quen explicou que os itinerarios están adaptados a diferentes niveis e buscan conectar espazos naturais, elementos patrimoniais e puntos de interese pouco coñecidos para o público visitante.
Gueimunde destaca que esta nova revista “é unha ferramenta útil tanto para visitantes como para a veciñanza, que nos axuda a coñecer mellor todo o que Viveiro ten para ofrecer durante todo o ano, máis alá do turismo de verán”. Ademais, agradece “o traballo realizado polos servizos municipais e os profesionais implicados neste proxecto, que reforza a aposta por un turismo sostible e de calidade”.
Con esta iniciativa, o Concello de Viveiro continúa a traballar na promoción do municipio como destino atractivo, accesible e comprometido coa posta en valor do seu patrimonio.
Da man do adegueiro de Meaño, o restaurante ofrecerá cinco viños seleccionados. A cata terá lugar o mércores 30 de xullo. As prazas son limitadas, teñen un custo de 28€ e é necesario reservar con antelación.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
O venres ás 20:30h pregón da Romaxe Viquinga a cargo do historiador e guía turístico oficial Suso Martínez, a continuación desfile polas rúas do Vicedo e cantos de taberna polos establecementos do Vicedo. Finalmente o sábado a 8ª Romaxe Viquinga na praia de San Román, coas actividades centrais habituais (desembarco, desfile, mercado, torneo a cabalo e enterramento) e con moita música tanto celta como tradicional galega con Pelepau, Perkusiona e o espectáculo Queiman Folki para rematar o evento.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
