O punto de venda estará dispoñible este venres, coa posibilidade de colaborar economicamente coas Festas de San Roque tanto de xeito presencial como por transferencia
Viveiro, 5 de agosto de 2025. A Comisión Viveiro en Festas estará presente este venres 08 de agosto na XLI Feira de Artesanía de Viveiro, cun stand de venda e información desde o que se poñerá á disposición do público o merchandising oficial das Festas de San Roque 2025.
Ademais do merchandising, a comisión tamén terá á venda décimos da lotaría de Nadal e os calendarios con fotografías antigas das festas, para aquelas persoas que aínda non tiveron ocasión de facerse cun deles.
Desde a comisión destacan a boa acollida que está tendo o merchandising entre a veciñanza e o apoio que se está recibindo en cada iniciativa. “Estamos moi agradecidos pola resposta da xente; notamos que hai ganas de colaborar e de facer piña coas festas”, sinalan. A venda destes artigos supón unha axuda importante para continuar avanzando na organización das actividades e eventos previstos para San Roque.
Doazóns abertas: petitoria alternativa para quen non estaba na casa
Tras realizar a tradicional petitoria casa por casa, a comisión lembra que moitas persoas non se atopaban nos seus domicilios no momento do percorrido. Por este motivo, ábrese agora unha nova oportunidade de colaborar: o venres 8 de agosto das 17:30 ás 22:00 horas, calquera veciño ou veciña poderá realizar a súa achega económica directamente no posto da comisión.
Así mesmo, habilitouse unha vía alternativa para quen non poida acudir de xeito presencial. A comisión puxo á disposición da xente un número de conta bancaria a través do cal se poden facer doazóns por transferencia. Esta medida busca facilitar a participación a todas aquelas persoas que non poidan colaborar presencialmente.
Número de conta para doazóns:
[ES61 0049 7711 0526 1003 6745]
Titular: Comisión Viveiro en Festas
Concepto recomendado: Doazón Festas San Roque 2025
A comisión anima a toda a veciñanza a achegarse, participar e aportar o seu gran de area para que San Roque volva ser unha celebración inesquecible, cun cartel musical encabezado por De Ninghures, Azúcar Moreno e Dasoul, ademais doutras moitas actividades que se anunciarán nos vindeiros días.
Xa se ve San Roque.
Iniciouse ás 15.30 horas deste martes e segundo as últimas estimacións, supera as 20 hectáreas. Para a súa extinción mobilizáronse, ata o momento, 3 técnicos, 4 axentes, 7 brigadas, 7 motobombas, 3 pas, 6 helicópteros e 6 avións.
A Pomba do Arco organiza o xoves 14 de agosto ás 20:30 hora no Cenima de Foz a presentación do libro de Martín Fernández Vizoso, Memoria de Mariñas, que recolle 75 traballos sobre a emigración da Mariña ao continente americano. Martín Fernández Vizoso achegará na súa intervención 13 investigación sobre emigrantes focegos en Arxentina Cuba ou Filipinas. As mesmas permiten reconstruír unha parte descoñecida da diáspora focega. Fernández Vizoso, xornalista e investigador, é veciño de Cangas e autor dunha amplía bibliografía sobre a historia da comarca da Mariña, á que xa ten dedicada catro volumes e centos de artigos en diversas publicacións
O alcalde, Dani Vega, subliña que “o presidente Rueda é xa un habitual do verán ribadense. Aquí deu comezo ao seu merecido descanso destas datas”. Vega e Rueda mantiveron un encontro no Parador de Turismo de Ribadeo: “aproveitei a ocasión para saudar a Alfonso Rueda, para xestionar orzamento para Ribadeo e para desexarlle un bo descanso”.
Foi creada con todo o cariño pola familia de Saúde Mental A Mariña. Pódese mercar na caseta da Praza dos Campos durante estes días.
Está encadrada dentro de Xuventude no Programa de Verán do Concello de Xove. Nestes tres días teñen un plan intenso e variado de actividades en contacto estreito coa natureza que comprende desde a montaxe e a desmontaxe do campamento surf na praia de Esteiro, kaiaks, xogos acuáticos, festa da escuma, xincana e moitos xogos máis. Está organizada polas Concellerías de Xuventude e Deporte e a Oficina de Información Xuvenil.
Mércores 6. Horarios: 11:00h, 12:00h, 13:00h, 16:00h, 17:00h. Xoves 7. Horarios: 13:00h, 16:00h, 17:00h. Apuntan no propio peirao o día da actividade.
Será ás 20:30 horas. A entrada é libre.
