A actividade foi presentada pola alcaldesa Mariña Gueimunde e representantes da Asociación Proa
Viveiro, 1 de agosto de 2025. A edición número 41 da Feira de Artesanía de Viveiro celebrarase do 8 ao 17 de agosto nos Xardíns Noriega Varela. Contará cunha ampla representación de oficios tradicionais e propostas contemporáneas. Ademais, disporá de preto de corenta expositores e incorporará este ano unha programación específica de demostracións artesás no posto denominado «Encontros». Será organizada polo Concello de Viveiro e a Asociación Proa, coa colaboración da Deputación de Lugo e a Xunta de Galicia. A inauguración terá lugar o día 8 ás 17.30 horas
As actividades comezarán o sábado 9 cunha mostra de cantería (17.30 a 21.30 horas), á que seguirán o cartón pedra o domingo 10 (17.30 a 21.30) e o gravado en vidro o luns 11, tanto en horario de mañá (11.00 a 14.30) como de tarde (17.30 a 22.00). O xoves 14 será a quenda da cestería (de 11.30 a 13.30 e de 18.00 a 20.00 horas) e o venres 15, dos instrumentos musicais (no mesmo horario). A sala do Conservatorio acollerá ese mesmo día unha exhibición de palilleiras (11.00 a 18.00). O sábado 16 terá lugar unha demostración de fiado con roca, tamén en sesión de mañá e tarde, e o domingo 17 pecharase a programación coa bonequería.
O día da inauguración, no posto «Encontros» instalarase un posto da Comisión de Festas de San Roque con material promocional. O cartel da Feira de Artesanía é obra de Neira Brochs.
Mariña Gueimunde, alcaldesa de Viveiro, salientou durante a presentación da iniciativa o valor da feira como espazo de encontro interxeracional e para darlle visibilidade ao traballo artesán: «A artesanía é parte da nosa identidade como pobo e esta feira permite conectar tradición e creatividade, dándolle ao público a oportunidade de coñecer en directo como se elaboran pezas únicas».
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
