A alcaldesa, Ana María López, indicou que “a Mostra de Teatro é moito máis ca un evento cultural, é parte da nosa identidade e da nosa tradición, algo que debemos coidar”
O Concello de Cariño inaugurou este domingo, 3 de agosto, a XLVII edición da Mostra de Teatro Galego, que converterá ao municipio do Ortegal na capital autonómica do teatro ata o próximo sábado, 9 de agosto.
A xornada comezou ás 13:00 horas na Praza da Pulida, onde se levou a cabo a representación da obra ‘Moby Dick’, un espectáculo gratuíto da Compañía Pedras de Cartón co que puideron gozar todos os asistentes. A peza, baseada na famosa historia de Melville, contou con varias marionetas e monicreques que fixeron as delicias da cativada.
Logo da representación, os protagonistas da obra fixeron un percorrido polas rúas de Cariño entregando trípticos e tarxetas coa programación completa da Mostra aos veciños e visitantes.
A alcaldesa de Cariño, Ana María López, indicou que “a Mostra de Teatro é moito máis ca un evento cultural, xa que é parte da nosa identidade e da nosa tradición. É algo que debemos coidar porque representa un espazo moi importante para todos os cariñeses e cariñesas”.
López tamén quixo destacar “o compromiso do Concello por manter vivo un evento que leva case medio século enchendo as rúas e os escenarios de Cariño de historias, emocións e arte, converténdose desde fai anos nun evento imprescindible no calendario cultural de Galicia”.
Pola súa parte, a concelleira de Cultura, Laura García, salientou que “esta XLVII edición da Mostra aposta por espectáculos para todos os públicos, coa intención de achegar o teatro á veciñanza e aos visitantes dende as primeiras idades e fomentar unha participación activa da comunidade. Queremos que cada recuncho de Cariño respire cultura e que a Mostra siga sendo un referente dentro e fóra de Galicia”.
O luns, 4 de xullo, darán comezo as obras de teatro no Auditorio Municipal, coas pezas ‘A nena e o grilo camiño das cores’, de Teatro dos Ghazafelhos & Magín Blanco ás 12:00 horas, e ‘Testosterona’, de Malasombra Producións ás 22:00 horas. As entradas estarán á venda media hora antes de cada función.
A programación completa está dispoñible para a súa consulta na páxina web da Mostra (www.mostrateatrocarino.gal) e nas redes sociais oficiais.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
