Repartiranse 600 euros en premios e as imaxes seleccionadas expoñeranse no consistorio para partir do 24 de outubro
Ortigueira, 28 de agosto de 2025. Tras a gran acollida da primeira edición, o Concello de Ortigueira, a través da Concellería de Turismo e Patrimonio, pon en marcha a segunda edición do concurso de fotografía “Ortigueira nunha foto”, que ten como obxectivo fomentar a participación social e promover a fotografía como medio de expresión para reflectir a variedade e riqueza paisaxística, patrimonial e cultural do municipio.
As fotografías desta segunda edición deben mostrar e poñer en valor o atractivo turístico de Ortigueira, atendendo ao seu patrimonio cultural. Por tanto, as fotografías deben reflectar imaxes dentro do municipio de Ortigueira, indicando o lugar no cal foron tomadas.
A participación será libre e gratuíta e as persoas participantes poderán enviar un máximo de tres fotos. Para participar no concurso non poderán ser publicadas con anterioridade en ningún medio de comunicación ou páxina web nin premiada noutros certames.
As fotografías deberán presentarse en papel nun formato entre 30×40 e 40×50, xa sexa en cor ou en branco e negro. Non se aceptarán fotomontaxes, colaxes nin fotografías creadas con IA.
Unha vez cúmpranse todos estes requisitos, poderán entregarse no Concello de Ortigueira ou a través de correo postal. A data límite para presentar os traballos será o 3 de outubro, ás 14:30 horas.
As tres mellores fotografías serán galardoadas con 300, 200 e 100 euros respectivamente. O fallo do xurado coñecerase o 24 de outubro, sendo o mesmo día da entrega de premios.
Ademais, as fotos gañadoras e o resto de preseleccionadas exhibiranse nunha exposición que se situará na Casa do Concello. Esta inaugurarase o día da entrega de premios e poderá visitarse durante todo o mes. As instantáneas en formato dixital serán exhibidas na páxina Web do Concello de Ortigueira e nas redes sociais de Turismo Ortigueira.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
