Barreiros, 28 de agosto de 2025. O Concello de Barreiros, a través da súa aula CeMIT, organizou durante as últimas semanas unhas xornadas tecnolóxicas para as rapazas e rapaces da Asociación de Pais e Nais de Nen@s con Discapacidade da Mariña de Lugo (APNED).
A rapazada asistiu a un taller de pilotaxe de drons onde tivo a oportunidade de coñecer as partes fundamentais destas aeronaves non tripuladas, a normativa pola que se rexen as zonas de voo e, por suposto, experimentar a emoción de manexalos nun circuíto deseñado especialmente para a ocasión.
Por outra banda, tamén asistiron a varias sesións con lentes de realidade virtual en 3D, nas que a rapazada puido mergullarse en novos mundos, explorar contornas dixitais e gozar de experiencias totalmente inmersivas grazas ao equipamento da aula CeMIT.
A alcaldesa de Barreiros, Ana Ermida, e o concelleiro de dinamización, Dani García, achegáronse ás xornadas para velas de primeira man e compartir a experiencia co alumnado.
Ermida destacou a importancia desta colaboración: “para nós é un orgullo poder colaborar con APNED, unha asociación que realiza un labor absolutamente fundamental na nosa comarca, ofrecendo un apoio crucial á cativada e ás súas familias. O seu traballo é encomiable e desde o Concello queremos seguir fortalecendo esta liña de cooperación”.
Pola súa banda, o concelleiro de dinamización sinalou que “estas actividades permiten achegarlles a tecnoloxía dunha forma lúdica e accesible. Polo que, tanto a realidade virtual coma o manexo de drons, ábrenlles novas fiestras a posibles vocacións de cara a formarse e traballar con ferramentas innovadoras”.
As actividades foron organizadas desde a aula CeMIT do Concello de Barreiros que, grazas ao equipamento tecnolóxico co que conta, trata de aumentar o interese da rapazada polas profesións tecnolóxicas do futuro.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
