O BNG do Valadouro propón que se regule a concesión de subvencións a asociacións

Os nacionalistas denuncian o sectarismo do alcalde José Manuel Lamela ao discriminar ás veciñas e veciños de Moucide, Santa Cruz, Budián, Frexulfe, Santo Tomé e Recaré dexándoas sen axudas

O Valadouro, 28 de agosto, 2025. O Grupo Municipal do BNG no Valadouro vén de presentar unha moción na que se demanda que por parte do concello se regulen as subvencións ás diferentes asociacións do concello, dado que este actual goberno municipal practica a discriminación e a discrecionalidade na concesión das mesmas. Meses atrás, cando a elaboración dos orzamentos de 2025 o BNG xa denunciara que o Partido Popular deixaba sen axudas este ano a nada menos que seis Asociacións de Veciños que realizan unha importante labor de dinamización social e cultural, que son as de Moucide, Santa Cruz, Budián, Frexulfe, Santo Tomé e Recaré.

O concello tén que abrir un procedemento para a concesión de subvencións

Tal como se contempla nas Bases de Execución dos orzamentos, o outorgamento das subvencións a asociacións pode ser a través dun procedemento de concorrencia competitiva ou ben a través dun procedemento de concesión directa, mediante convenios ou nominativamente reflectindo no documento orzamentario de forma expresa o nome das asociacións beneficiarias e a cantidade asignada.

Visto esto, o BNG proponlle ao concello que elabore un procedemento transparente e igualitario para a concesión de subvencións a asociacións, tal como recollen as Bases de Execución do Orzamento de xeito que non quede ningunha fóra daquelas que o soliciten e cumplan cos requisitos.

Neste sentido o portavoz municipal Eduardo Chao manifestou que “temos que rematar con esta política de discriminación que está levando a cabo o Partido Popular coas asociacións, que fan unha importante labor pero que sen axuda do concello pouco poden facer porque os recursos que tenen son escasos”.

Dúas asociacións levan axuda e seis non. “Esa é desastrosa xestión do PP”

No pleno do pasado 15 de abril o BNG fixo constar que unha vez examinados os orzamentos, non figuraba ningún tipo de subvención para as asociacións das parroquias de Santa Cruz.

“Nosoutros no exercicio anterior, cando estivemos no goberno tiñamos recollido nos orzamentos 70.000€ para subvencións, e ese diñeiro repartíase entre todas as asociacións, sen discriminacións de ningún tipo, pero agora este novo gobeno do PP apoiado por Udival volve á súa práctica habitual de dar subvencións a dedo, por que dúas subvencións sí que as deu, pero marxinando a seis asociacións que fan unha importante actividade nas súas parroquias” manifestou o concelleiro nacionalista Eliseo Teijeiro.