Gómez Puente advirte da falta de xestión do goberno local en materia de limpeza e conservación dos areais que “en nada contribúe a manter unha boa imaxe de Barreiros”
Barreiros, 8 de agosto de 2025. O PP de Barreiros esixe á alcaldesa do BNG explicacións sobre o vertido de augas residuais na praia de Remior. Concretamente, os concelleiros populares queren que “a alcaldesa explique aos veciños e veciñas as causas dos vertidos” e “as xestións e actuacións levadas a cabo polo goberno local”.
“Os veciños teñen que estar informados: saber o que pasou, a que se debeu e que actuacións está levando a cabo o Concello para evitar que se repita a situación”, segundo defenden os populares.
O portavoz, José Manuel Gómez Puente, explica que “o tratamento e evacuación de augas residuais é competencia do Concello” polo que “tamén debe explicar cal foi o procedemento empregado”.
O popular advirte da existencia de distintos pozos de bombeo para dirixir as augas residuais á depuradora onde son tratadas debidamente. Nese sentido, os concelleiros do Partido Popular preguntarán formalmente ao goberno local se ten realizado os debidos traballos de mantemento para comprobar que todo funciona correctamente.
Gómez Puente afea que “a alcaldesa intente botar balóns fóra” pedindo un protocolo á Xunta cando “a competencia no tratamento de augas residuais e na limpeza das praias é do Concello e xa debería saber que procedementos debe seguir para dar cumprimento ás normas”. Ademais, cre que “o normal é que a Xunta esixa o cumprimento da lei”.
Ademais, lembra que “o vertido foi detectado pola Xunta e comunicado ao Concello, o que demostra que é unha administración áxil e colaboradora” fronte ao goberno local que, como administración máis próxima, debería estar máis pendente dos problemas que lle xorden aos veciños e veciñas de Barreiros”.
FALTA DE XESTIÓN QUE XERA MALA IMAXE
Gómez Puente cre que “a falta de xestión” do goberno nacionalista á fronte do Concello de Barreiros en relación ao mantemento das praias e o seu impulso de cara a apoiar o sector turístico do municipio “salta á vista”.
Así, aos desbroces das vías municipais que dan acceso aos distintos areais sen rematar cando xa estaba ben entrado o verán; o popular engade “outras deficiencias que non contribúen a manter a boa imaxe das praias de Barreiros”.
Gómez Puente explica que “as infraestruturas dos areais están obsoletas porque levan anos sen atención, as papeleiras non dispoñen de bolsas para recoller o lixo e moitos areais non dispoñen de auga no servizo de duchas”.
Así mesmo lembra que “os veciños e visitantes non poden disfrutar do areal de San Bartolo porque o seu acceso leva anos pechado”.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
